Дар хоҷагиҳои пахтакори Тоҷикистон кишти пунбадона бомаром идома дорад
ДУШАНБЕ, 12.04.2019 /АМИТ «Ховар»/. То 9 апрели соли равон деҳқонони ҷумҳурӣ дар майдони 113 ҳазору 244 га кишти чигит гузарониданд. Ин 60,1% -и иҷрои дурнаморо ташкил дода, нисбат ба ҳамин давраи соли гузашта 13 ҳазору 992 гектар зиёд мебошад.
Пахта яке аз маҳсулоти содиротӣ ва ашёи хом барои саноати сабук ба ҳисоб меравад. Аз ин рӯ бо дарназардошти талаботи бозор майдони кишти пахта сол то сол дар ҷумҳурӣ зиёд гардида истодааст.
Ба иттилои Вазорати кишоварзии Ҷумҳурии Тоҷикистон, соли равон кишоварзони ҷумҳурӣ мехоҳанд майдони кишти пахтаро ба 188 ҳазору 410 гектар расонанд. Барои сари вақт ба анҷом расонидани маъракаи кишти пахта аз ҳисоби олимону мутахассисони соҳа гурӯҳи корӣ таъсис дода шуда, кор дар ин самт бо маром идома дорад.
Имрӯзҳо кишоварзони ҷумҳурӣ аз боду ҳавои баҳорӣ самаранок истифода намуда, ба кишти чигит дар ҷумҳурӣ вусъат бахшида истодаанд.
Бино ба иттилои манбаъ, кишоварзони вилояти Хатлон имрӯзҳо ҷараёни кишти пахтаро хуб ба роҳ монда, ҳоло дар майдони 95 220 га кишти пунбадона гузарониданд. Ин баробари 78,0%-и иҷрои дурнамо буда, нисбат ба ҳамин давраи соли гузашта 8 963 га зиёд мебошад.
Дар хоҷагиҳои пахтакори вилояти Суғд низ кишти чигит бо маром идома дошта, кишоварзон тибқи дурнамо дар майдони 58 140 га кишт мегузаронанд. Айни замон 17 248 га кишт карда шудааст. Ноҳияҳои тобеи марказ низ кишти чигитро мувофиқи нақша ба роҳ монда, то имрӯз дар майдони 776 га кишти пунбадона гузаронидаанд.
Бояд гуфт, ки барои дар муҳлати кӯтоҳ ба анҷом расонидани кишти пахта зиёда аз 1868 адад трактору тухмипошакҳо мавриди истифодаи кишоварзон қарор доранд.
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
