ЭМОМАЛӢ РАҲМОН: «ТАШАББУСИ «КАМАРБАНД ВА РОҲ» ҶАВОБГӮ БА МАНФИАТҲОИ КИШВАРҲОИ ОСИЁИ МИЁНА АСТ». Имрӯз Шабакаи ҷаҳонии телевизионии Чин CGTN мусоҳиба бо Президенти Тоҷикистонро намоиш медиҳад
ДУШАНБЕ, 22.04.2019./АМИТ «Ховар»/. «Тоҷикистон ташаббуси ҷониби Чин «Як камарбанд, як роҳ»-ро бо тамоми ҷанбаҳояш ҷонибдорӣ менамояд, зеро он ҷавобгӯ ба манфиатҳои кишварҳои Осиёи Миёна аст. Дар ин бора Президенти Ҷумҳурии Тоҷикистон Эмомалӣ Раҳмон дар мусоҳиба бо хабарнигорони ВАО-и Чин дар Душанбе изҳор дошт. Ӯ зикр намуд, ки амалӣ гардидани ин ташаббус ба татбиқи Стратегияи миллии рушди Ҷумҳурии Тоҷикистон барои давраи то соли 2030 мусоидат менамояд», — хабар медиҳад шабакаи телевизионии CGTN 22 апрел.
Эмомалӣ Раҳмон изҳор дошт: «Инфрасохтор, аз ҷумла роҳҳои оҳан ва мошингард, ки сохтмонашон дар доираи ташаббуси «Камарбанд ва роҳ» дар назар аст, кишварҳои мо ва минтақаро бо бандарҳои байналмилалӣ мепайвандад. Албатта, ин ба ҳаракати озоди молу сармоя ва ба рушди Тоҷикистон мусоидат мекунад. Чунин мешуморам, ки ташаббуси роҳбари Чин ба ҳамаи давлатҳову минтақаҳои ҷаҳон ва сокинони он манфиат хоҳад овард. Он ба беҳбуд бахшидани некӯаҳволии халқҳои мамлакатҳои қад-қади «Камарбанд ва роҳ», сатҳ ва сифати ҳаёти одамон мусоидат мекунад, аз ин рӯ мо онро дастгирӣ мекунем ва аз татбиқи он натиҷаҳои мусбатро барои ҳамаи давлатҳоро интизорем», -менависад шабакаи телевизионии Чин.
Дар бораи муносибатҳои Чину Тоҷикистон ибрози назар намуда, Президенти Тоҷикистон ёдовар шуд, ки давоми се даҳсолаи соҳибистиқлолии Тоҷикистон табодули мол бо Чин садҳо маротиба афзуд. Сармоягузорони Чин аллакай беш аз дуюним миллиард доллари ИМА ба иқтисодиёти Тоҷикистон сармоягузорӣ кардаанд.
Эмомалӣ Раҳмон изҳори боварӣ намуд, ки ҳамкории тиҷоратию иқтисодии Чину Тоҷикистон минбаъд низ таҳким хоҳад ёфт.
«Шакли пурраи мусоҳибаи Президенти Тоҷикистон Эмомалӣ Раҳмон бо ВАО-и Чинро 22 апрел дар шабакаи мо тамошо намоед», — иттилоъ медиҳад CGTN.
МАЪЛУМОТИ АМИТ «ХОВАР»:
Шабакаи ҷаҳонии телевизионии Чин (CGTN)- ин ташкилоти нави байналмилалии ВАО мебошад. Он дар заминаи Шабакаи телевизиони марказии Чин (CCTV) 31 декабри соли 2016 таъсис дода шудааст.
CGTN расонаи бисёрзабонаву калонмиқёси иттилоотӣ буда, бо 6 забон барнома пахш мекунад. Ба ҳайати гурӯҳ 6 шабакаи телевизионӣ, CGTN Digital ва CGTN Plus шомиланд. Барномаҳои иттилоотии ин шабака асосан бо забони англисӣ пахш мегарданд.
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
