КӢ ЧОЛОКТАР? Бахшида ба таъсиси Қӯшунҳои дохилӣ мусобиқаҳои варзишӣ оғоз гардиданд

Апрель 2, 2019 14:33

ДУШАНБЕ, 02.04.2019 /АМИТ «Ховар»/. Дирӯз бахшида ба  иди касбии хизматчиёни Қӯшунҳои дохилӣ, ки ҳамасола 10 апрел таҷлил карда мешавад, мусобиқаҳои кушоди шахсӣ-даставӣ  оид ба  футбол, гӯштини миллӣ ва тирпарронӣ барои дарёфти Ҷоми Вазири корҳои дохилии Ҷумҳурии Тоҷикистон байни мақомоти ҳифзи ҳуқуқ ва сохторҳои қудратии кишвар оғоз гардиданд.

Тавре аз Вазорат ба мухбири АМИТ «Ховар» хабар доданд, ба ин мусобиқаҳо 10 дастаи мақомоти ҳифзи ҳуқуқ ва сохторҳои қудратии ҷумҳурӣ ҷалб гардида, барои дарёфти ҷойҳои ифтихорӣ  рақобат хоҳанд намуд.

Дар маросими ифтитоҳи мусобиқаҳои варзишӣ муовини Вазири корҳои дохилӣ Маҳмадсаид Саидзода хизматчиёни Раёсати Қӯшунҳои дохилӣ ва тамоми иштирокчиёни мусобиқаро ба ифтихори ин санаи муҳим табрик намуда, ба онҳо дар иҷрои вазифаҳои хизматӣ  комёбиҳо таманно намуд.

Зикр шуд, ки Раёсати Қӯшунҳои дохилӣ яке аз сохторҳои бузург ва калидии Вазорати корҳои дохилӣ ба ҳисоб рафта, таъмини амнияти давлату шаҳрвандони ҷумҳурӣ, пойдории сулҳу субот, ҳифзи дастовардҳои миллӣ ва дигар вазифаҳои муҳимро бар дӯш дорад.

Бояд гуфт, ки дар даврони Истиқлолияти давлатӣ Қӯшунҳои дохилӣ ба яке аз сохторҳои қавӣ ва пешрафта мубаддал гашта, дар ин муддати кӯтоҳ афсарону сарбозони он тавонистанд дар баробари дигар хизматчиёни шуҷои мақомоту сохторҳои қудратии кишвар дар барқарорсозии сохти конститутсионӣ, таъмини тинҷию оромӣ дар қаламрави ҷумҳурӣ, нест намудани гурӯҳҳои ҷинояткор ва террористию ифротгаро саҳми босазои худро гузоранд.

Апрель 2, 2019 14:33

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд