МУТАХАССИСОНИ АКАДЕМИЯИ ВАЗОРАТИ КОРҲОИ ДОХИЛИИ ТОҶИКИСТОН – ДАР ВЕБИНАР! Онҳо дар онлайн- конференсияи байналмилалӣ оид ба проблемаҳои тафтиши пешакӣ ширкат намуданд
ДУШАНБЕ, 05.04.2019 /АМИТ «Ховар»/. Дар ҷараёни ҳамкории дуҷониба мувофиқи Созишнома оид ба ҳамкорӣ дар соҳаи маориф ва фаъолияти илмӣ байни Донишкадаи ҳуқуқшиносии ВКД Россия дар шаҳри Уфа ва Академияи ВКД Ҷумҳурии Тоҷикистон 4 апрел мутахассисони Академияи ВКД дар онлайн-конференсияи (ё худ вебинари) байналмилалӣ дар мавзӯи «Хусусиятҳои пешбурди тафтиши пешакӣ дар давраи муосири инкишофи мурофиаи ҷиноятии Россия», ки дар шаҳри Уфаи ФР баргузор гардид, иштирок намуданд. Дар ин бора мухбири АМИТ «Ховар» Шаҳло САДРИДДИН хабар медиҳад.
Тавре аз Академияи Вазорати корҳои дохилӣ ба мухбири АМИТ «Ховар» хабар доданд, дар конференсия мутахассисони соҳаи мурофиаи ҷиноятӣ аз Академияи ВКД Ҷумҳурии Беларус, Академияи ВКД Россия дар шаҳри Нижний Новгород, Донишкадаи ҳуқуқшиносии Уралии ВКД Россия, Донишгоҳи ВКД Россия ба номи В.Я.Кикоти шаҳри Москва, инчунин профессорону омӯзгорони факултетҳои №2 ва 6-и Академияи ВКД Ҷумҳурии Тоҷикистон ширкат варзиданд.
Дар конференсияи мазкур ҷанбаҳои ҳуқуқии фаъолияти муфаттиш, масъалаҳои дар раванди мурофиаи ҷиноятӣ гирифтани маълумоте, ки сирри махфии қонунӣ дорад, проблемаҳои мустаҳкам будани мақомоти тафтиши пешакӣ ва дигар масъалаҳои мурофиаи ҷиноятӣ баррасӣ шуданд.
Дар онлайн -конференсия сардори шуъбаи адъюнктураи Академияи ВКД ҶТ, номзади илмҳои ҳуқуқ, дотсент, подполковники милитсия Р.Р. Раҳматҷонзода оид ба мавзӯи «Масъалаҳои тафтиши пешакие, ки ҳалталабанд», маърӯза намуд. Баъд аз анҷоми маърӯза аз тарафи олимон ба маърӯзачӣ оид ба хусусиятҳои ҷараёни тафтиш ва таҳқиқ дар Ҷумҳурии Тоҷикистон саволҳо пешниҳод шуданд.
Гуфта мешавад, ки аз рӯи натиҷаҳои онлайн-конференсия маҷмӯаи алоҳидаи маърӯзаву мубоҳисаҳо ва тадқиқотҳо ба нашр расонида мешавад.
Хотиррасон менамоем, ки онлайн-конференсия ё худ вебинар аз ҷумлаи тадбирҳоест, ки бо истифода аз web-технологияҳо ба таври пахши мустақим ба роҳ монда шуда, яке аз василаҳои пурсамари муоширати бевоситаи корбарони интернет бо созмондиҳандагон ва ширкаткунандагони конференсия маҳсуб мешавад ва аз нишасти матбуотии муқарраррӣ бо ҳамин фарқ мекунад.
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
