ОБУ ҲАВО: имрӯз дар қаламрави Тоҷикистон борон меборад

ДУШАНБЕ, 22.04.2019. /АМИТ «Ховар»/. Имрӯз дар ҷумҳурӣ ҳавои тағйирёбанда  шуда, борон меборад. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбанда шуда, дар ғарби вилоят борони кӯтоҳмуддат меборад. Дар  ноҳияҳои алоҳида боридани борони  бошиддат дар назар аст. Дар  баъзе ноҳияҳои шарқии вилоят борон ва барф меборад.  Ҳаво дар ғарби вилоят  шабона 6-11 ва  рӯзона 18-23  дараҷа гарм  мешавад. Дар шарқи вилоят  ҳаво   шабона   1-6 дараҷа сард шуда, рӯзона  6-11 дараҷа гарм мешавад.

Дар вилояти Суғд    ҳавои тағйирёбанда шуда, борони кӯтоҳмуддат меборад. Раъду  барқ ба амал меояд.  Дар  баландиҳои зиёда аз 2 ҳазору 500 метр  барф  меборад.  Дар  баъзе ноҳияҳо туман мефарояд. Шамол аз самти ғарб  бо суръати 4-9 метр дар як сония  мевазад. Ҳаво  дар водиҳо шабона 7-12  ва  рӯзона 17-22 дараҷа гарм  мешавад. Дар  ноҳияҳои кӯҳӣ ҳаво шабона 1-6   ва  рӯзона  9-14  дараҷа гарм мешавад.

Дар вилояти Хатлон ҳавои тағйирёбанда шуда, борони кӯтоҳмуддат меборад.  Дар  ноҳияҳои алоҳида борон шиддат гирифта, раъду барқ ба амал меояд. Дар  баъзе ноҳияҳо туман мефарояд. Боридани  жола низ дар назар аст. Ҳаво дар водиҳо шабона 10-15 ва рӯзона 22-27 дараҷа гарм мешавад.  Дар доманакӯҳҳо ҳаво шабона  7-12   ва   рӯзона 17-22 дараҷа гарм  мешавад.

Дар шаҳру ноҳияҳои тобеи марказ  ҳаво тағйирёбанда шуда, борони кӯтоҳмуддат меборад. Дар  ноҳияҳои алоҳида борон шиддат гирифта, раъду барқ ба амал меояд.  Дар  баъзе ноҳияҳо туман фаромада, боридани жола дар назар аст. Дар  баландиҳои зиёда аз 3 ҳазор метр барф меборад.  Ҳаво  дар водиҳо шабона 8-13  ва рўзона 20-25 дараҷа гарм мешавад.  Дар  ноҳияҳои кўҳӣ ҳаво шабона 2-7  ва  рўзона 13-18  дараҷа гарм мешавад.

Ҳаво дар  шаҳри Душанбе  тағйирёбанда шуда, борони кӯтоҳмуддат меборад.  Раъду  барқ ба амал меояд. Шамол аз самти ғарб бо суръати 3-8 метр дар як сония  мевазад .  Ҳаво  шабона 9-11  ва рӯзона 21-23 дараҷа гарм мешавад.