Рашт: ҳамкории мақомоти корҳои дохилӣ бо мардум густариш меёбад
ДУШАНБЕ, 27.04.2019 /АМИТ «Ховар»/. Имрӯз дар ҷамоати деҳоти Ҷафри ноҳияи Рашт дар мавзӯи пешгирии шомилшавии ҷавонон ба ҳизбу ҳаракатҳои террористию экстремистӣ вохӯрии сардори Раёсати Вазорати корҳои дохилӣ дар дар минтақа ва ноҳияи Рашт, генерал-майори милитсия Сафиалло Азизуллозода бо мардум баргузор гардид.
Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Тибқи иттилои манба, С. Азизуллозода доир ба сабабу омилҳои шомилшавии ҷавонон ба ҳизбу ҳаракатҳои террористию экстремистӣ ва роҳҳои пешгирии он ибрози андеша намуда, бо пахши видео-роликҳо ин масъаларо шарҳу эзоҳ дод. Номбурда ҳамчунин ба аҳолӣ ва имомхатибони масҷидҳо муроҷиат намуда, даъват ба амал овард, ки дар таълиму тарбияи фарзандон бетараф набошанд ва онҳоро бо роҳи рост ҳидоят намоянд.
«Падару модарон ҳатто ҳангоми дар муҳоҷирати меҳнатӣ будани фарзандонашон онҳоро беназорат набояд гузоранд, зеро онҳо ҳанӯз таҷрибаи кофии рӯзгор надоранд ва зери таъсири ҳар гуна равияҳои бегона монданашон аз эҳтимол дур нест», — илова намуд ӯ.
Мавриди зикр аст, ки пешгирии амалу кирдорҳои номатлуб ва ҷинояту ҷинояткорӣ, махсусан пешгирии шомилшавии ҷавонон ба ҳизбу ҳаракатҳои террористию экстремистӣ яке аз самтҳои афзалиятноки фаъолияти мақомоти милитсия ба ҳисоб рафта, дар ин самт тамоми ҷузъу томҳои мақомоти корҳои дохилӣ дар қаламрави мамлакат бо мардум суҳбату вохӯриҳои манфиатбахш анҷом медиҳанд.
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
