Санҷишгарони қарзии «Амонатбонк» соҳиби сертификат гардиданд

Апрель 15, 2019 10:50

ДУШАНБЕ, 15.04.2019/АМИТ «Ховар»/. 15 нафар кормандон-санҷишгарони қарзӣ аз филиалҳои «Амонатбонк»-и шаҳри Душанбе ва ноҳияҳои тобеи марказ баъди гузаштани  курси омӯзишии малакаҳои тренерӣ  соҳиби сертификат шуданд.

Зимни супоридани сертификат ба шунавандагони  курси омӯзишӣ  раиси Раёсати Бонки давлатии амонатгузории Ҷумҳурии Тоҷикистон  Сироҷиддин Икромӣ  зикр кард, ки дорандагони Сертификати санҷишгарони (экспертҳои) қарзӣ вазифадоранд барои иҷрои саривақтии вазифа ва уҳдадориҳои қарзгир, ки дар шартнома дарҷ мешаванд, масъулиятшинос  буда, манфиати миллиро аз манфиати шахсӣ боло донанд ва фаъолияти созандаи худро баҳри пешрафти кор дар соҳа равона намоянд.

Бояд тазаккур дод, ки давраи сеюми курси омӯзиши малакаҳои тренерӣ тибқи Барномаи таҳия намудаи Департаменти қарздиҳии БДА «Амонатбонк» дар ҳамкорӣ бо Маркази таълим ва рушди маблағгузории хурди Тоҷикистон бо мақсади  баланд бардоштани сатҳи дониши касбии кормандон ва омода намудани мутахассисони баландихтисос аз миёни кормандони филиалҳои «Амонатбонк» гузаронида шуд.  Интизор меравад, ки чунин курсҳои омӯзишӣ  дар оянда дар дигар филиалҳои минтақавии  «Амонатбонк» гузаронида хоҳанд шуд.

Апрель 15, 2019 10:50

Хабарҳои дигари ин бахш

Имрӯз дар шаҳри Душанбе ҳаво то 34 дараҷа гарм мешавад
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад