Шаҳрвандони муқими Арабистони Саудӣ фаъолияти тахрибкоронаи ТТЭ ҲНИ-ро маҳкум намуданд

Апрель 12, 2019 18:22

ДУШАНБЕ, 12.04.2019 /АМИТ «Ховар»/. Чуноне ки қаблан иттилоъ дода будем, Директори Маркази исломшиносии назди Президенти Ҷумҳурии Тоҷикистон Файзулло Баротзода ва сарходими маркази Синошиносии Академияи илмҳои ҶТ Саидраҳмон Сулаймонов ҷиҳати ширкат дар «Конфронси нахустини арабшиносии Осиё» ба Шоҳигарии Арабистони Саудӣ сафар кардаанд.

Дар ҳошияи конфронс Файзулло Баротзода, Саидраҳмон Сулаймонов дар якҷоягӣ бо Сафири Тоҷикистон дар Арабистони Саудӣ Заробиддин Қосимӣ бо донишҷӯёни тоҷик, шаҳрвандони муқими ШАС ва аъзоёни «Анҷумани тоҷикони Мадинаи Мунаввара» вохӯрӣ намуданд.

Зимни вохӯрӣ Ф.Баротзода доир ба дастовардҳои Тоҷикистон дар даврони истиқлолият, хизматҳои шоёни Пешвои миллат муҳтарам Эмомалӣ Раҳмон дар пешрафти кишвар, рушду босуботи иҷтимоию иқтисодӣ ва фарҳангӣ, ҳамзамон оид ба худшиносию худогоҳӣ, ҳушёрии сиёсии ҷавонон суханронӣ кард. Ф.Баротзода ба донишҷӯёни тоҷик хитоб карда, таъкид дошт, ки фирефтаи ҳизбу гурӯҳҳои бо ном «исломӣ» нашуда, масъалаҳои эътиқодӣ ва фарҳангиро аз сарчашмаҳои муътамад дарёфт намоянд.

Илова бар ин, Ф.Баротзода оид ба пайдоиши ташкилоти террористӣ-экстремистии ҲНИ дар ҳудуди Ҷумҳурии Тоҷикистон нақл кард. Ӯ зикр намуд, ки тамоми рӯҳониёни машҳури тоҷик аз аввали пайдоиш то ҳол таъсиси ташкилоти мазкурро қабул надоштанд, онро дастгоҳ ва манбаи идеологияи зиддимиллӣ ва бар хилофи мазҳаби Имом Абуҳанифа медонанд. Баротзода илова кард, ки маҳз фаъолияти тахрибии ТТЭ ҲНИ сабабгори асосии сар задании ҷанги шаҳрвандӣ дар Тоҷикистон буда, монеаи пешрафти иқтисодиёт, илм ва фарҳанг дар Тоҷикистон гаштааст.

Роҳбарони ҲНИ иродаи мардуми мусулмон ва рӯҳониёни мазҳабиро сарфи назар карда, тавассути таблиғоти идеологии ифротӣ ва дастгирии молиявии хоҷагони хориҷии худ ба ҳаёти сиёсии мамлакат ворид шуданд ва дар муддати кӯтоҳтарин оташи ҷанги шаҳрвандиро афрӯхтанд. Инчунин аз ҷиноятҳо, кӯшиши табадуллоти моҳи сентябри соли 2015 ва дигар амалҳои душманонаи аъзоёни ҲНИ ба ҳозирин  маълумоти муфассал дода, ҷавононро ба илмомӯзӣ, дӯст доштани меҳан, эҳтиром гузоштан ба арзишҳои миллӣ ва динии халқамон ҳидоят намуд.

Аз ҷониби аҳли нишаст суханронии Ф.Баротзода мусбӣ арзёбӣ гардида, қайд намуданд, ки мо тоҷикони муқими ШАС фаъолияти ташкилоти террористии ҲНИ-ро пурра маҳкум карда, омодагии хешро ҷиҳати таъмини сулҳу субот дар кишвар баён медорем ва омодаем барои рушду нумуи кишварамон саҳми назарраси худро гузорем.

Апрель 12, 2019 18:22

Хабарҳои дигари ин бахш

Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид