Аҳтам Абдуллозода: «Ҷавонон аз лаҳзаҳои аввали соҳибистиқлолии мамлакат дар меҳвари сиёсати иҷтимоии Ҳукумат қарор доранд»

Май 10, 2019 16:04

ДУШАНБЕ, 10.05.2019 /АМИТ «Ховар»/. Бахшида ба Рӯзи ҷавонони Тоҷикистон имрӯз дар шаҳри Душанбе мулоқоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо кормандони ҷавони вазорату идораҳо ва ташкилоту муассисаҳо доир гардид.

Аҳтам Абдуллозода иброз дошт, ки ҷавонон қишри серҳаракати ҷомеа, қувваи пуриқтидори меҳнат ва кафили асосии оромии мамлакат буда, барои давлат  неру, захираи тавоно ва афзалиятноки инсонӣ ба ҳисоб мераванд. Ҷавонон ва сиёсати давлатии ҷавонон аз лаҳзаҳои аввали соҳибистиқлолии мамлакат дар меҳвари сиёсати иҷтимоии Ҳукумат қарор доранд.

«Заминаи бисёр муҳими ин соҳаи иҷтимоии мамлакат қабул гардидани Қонуни Ҷумҳурии Тоҷикистон «Дар бораи сиёсати давлатии ҷавонон» аз 13 марти соли 1992 мебошад, ки  тамоми муносибатҳои мавҷударо дар иртибот ба ҷавонон танзим менамояд. Аз ҷониби Ҳукумат роҳандозӣ гардидани як зумра роҳҳои ҳавасмандгардонии ҷавонон, махсусан стипендияи президентӣ, ҷоизаи ба номи Исмоили Сомонӣ, стипендияи байналмилалии «Дурахшандагон», квотаҳои президентӣ, грантҳои ҳукуматӣ бо мақсади дастгирии ташкилотҳои ҷамъиятии кор бо ҷавонон, ҷавонкунонии сиёсати кадрӣ ва ба зинаҳои роҳбарикунанда таъйин гардидани шумораи зиёди ҷавонони  лаёқатманд аз таваҷҷуҳи хоссаи Пешвои миллат нисбат ба ҷавонон дарак медиҳад. Соли ҷавонон бори дигар  эҳтироми ҷавононро нисбат ба муқаддасоти миллӣ ва арзишҳои соҳибватанӣ қавӣ гардонида, натиҷаҳои назаррас ба бор овард»,- гуфт Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Пас аз баргузории мулоқот мудири Бахши кор бо ҷавонон ва варзиши ноҳияи Исмоили Сомонӣ Амир Иброҳимзода андешаҳояшро ба хабарнигори АМИТ «Ховар» чунин  баён намуд: «Ҳадаф аз баргузории чорабинии мазкур бори дигар татбиқи сиёсати давлатии ҷавонон ва рушди соҳаи варзиш дар мамлакат мебошад.  Зеро тамоми он нуктаҳое, ки аз ҷониби Раиси Кумитаи кор бо ҷавонон ва варзиши ирсол гардид, хеле таъсирбахш буд.   Мулоқоти мазкур мо, масъулини  соҳаи кор бо ҷавонон ва варзишро дар маҳал бори  дигар водор намуд, ки дар татбиқи сиёсати давлатии ҷавонон  дар маҳал нигоҳи аввалиндараҷа дошта бошем ва дар баргузории чорабиниҳо ҷавонони тамоми қишрҳои ҷомеаро фаро гирем».

-Баъд аз мулоқот назди худ нақшаҳои нав тарҳрезӣ менамоем, ки  минбаъд теъдоди зиёди ҷавонон, наврасон ва варзишгаронро  ба намудҳои гуногуни варзиш, мусобиқаҳои сатҳи байналмилалӣ, илмию маърифатӣ, сиёсӣ ва фарҳангӣ ҷалб намоем.  Тавре Сарвари давлат дар Паёми имсолаи навбатии хеш иброз доштанд: «Ҷавонон  номбардори миллат,  мояи ифтихор ва сарбаландии Тоҷикистони азиз мебошанд»,- зикр намуд Амир Иброҳимзода.

Май 10, 2019 16:04

Хабарҳои дигари ин бахш

САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд