Дар Душанбе масъалаҳои андозбандӣ дар фаъолияти субъектҳое, ки бо сармояи ҷониби Чин таъсис ёфтаанд, баррасӣ гардиданд
ДУШАНБЕ, 24.05.2019 /АМИТ «Ховар»/. Имрӯз дар Кумитаи андози назди Ҳукумати Ҷумҳурии Тоҷикистон дар мавзӯи «Низоми андозбандии Ҷумҳурии Тоҷикистон, мушкилӣ ва проблемаҳои ҷойдошта вобаста ба масъалаҳои андозбандӣ дар фаъолияти субъектҳое, ки бо сармояи ҷониби Ҷумҳурии Мардумии Чин таъсис ёфтаанд» машварати омӯзишӣ баргузор гардид. Дар кори он намояндагон аз Сафорати Ҷумҳурии Мардумии Чин дар Ҷумҳурии Тоҷикистон, роҳбарон ва сармуҳосибони корхонаҳои ҷониби Хитой ва намояндагони як зумра вазорату идораҳои давлатӣ иштирок намуданд.
Дар ин бора ба АМИТ «Ховар» аз шуъбаи робита бо ВАО-и Кумитаи андоз хабар доданд. Иттилоъ дода шуд, ки аз ҷониби намояндагони Кумитаи андоз вобаста ба масъалаҳои зерин, аз ҷумла, дуруст ба роҳ мондани пешбурди ҳисоботи андозӣ, муҳосибӣ, риоя намудани талаботи санадҳои меъёрии ҳуқуқии соҳаи андоз, забони давлатӣ, баррасии мушкилии ҷойдошта марбут ба масъалаҳои андозбандӣ, маъмурикунонии андозҳо ва сиёсати андоз дар фаъолияти корхонаву ташкилотҳое, ки бо сармояи шаҳрвандони Ҷумҳурии Мардумии Чин таъсис дода шудаанд, гузоришҳо пешниҳод гардид.
Таваҷҷуҳи иштирокдорони машварат ба низоми андозбандии Ҷумҳурии Тоҷикистон, дуруст ба роҳ мондани пешбурди ҳисоботи андозӣ ва муҳосибӣ тибқи қонунгузории амалкунанда, хизматрасониҳои электронии мақомоти андоз ва проблемаҳои ҷойдошта вобаста ба масъалаҳои андозбандӣ ҷалб карда шуд.
Ҳозирин доир ба масъалаҳои баррасишаванда пешниҳодҳои муфид намуда, аз намояндагони Кумитаи андоз ба суолҳои хеш посухҳои қаноатмандкунанда гирифтанд.
Инчунин дар машварати омӯзишӣ аз ҷониби кормандони Кумитаи андоз хизматрасониҳои нави электронии мақомоти андоз намоиш дода шуд.
Дар вилояти Суғд майдони боғоти мевадиҳанда васеъ мегардад
Имрӯз таҳти раёсати Сарвазири Ҷумҳурии Тоҷикистон маҷлиси умумии ғайринавбатии саҳмдорони ҶСК «НБО Роғун» баргузор гардид
Масъалаи зиёд намудани хатсайрҳои парвоз байни Тоҷикистон ва Чин баррасӣ шуд
Дар Тоҷикистон шабакаи ягонаи назорати рақамии вазни мошинҳои боркаш таъсис дода мешавад
Дар гармхонаи шаҳри Хоруғ зиёда аз 10 ҳазор кӯчати гул парвариш мешавад
Дар Тоҷикистон беш аз 200 ҳазор оилаи занбӯри асал парвариш меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент коргоҳи истеҳсоли шифер бунёд карда мешавад
Бо ташаббуси Тоҷикистон дар қароргоҳи СММ чорабинии сатҳи баланд доир ба зеҳни сунъӣ баргузор шуд
Дар таъмини бехатарии парвозҳо дар ҳарими ҳавоии Тоҷикистон зан-метеорологҳо нақши муассир доранд
Масоили таҳкими ҳамкорӣ байни Тоҷикистон ва Русия дар соҳаи энергетика дар Москва баррасӣ гардид
Президенти Тоҷикистон: «53 ҳазор нафар занон роҳбарони хоҷагиҳои деҳқонӣ мебошанд»
Дар шаҳри Абузабӣ мулоқоти вазирони саноати Тоҷикистон ва Амороти Муттаҳидаи Араб доир шуд
