Дар Осорхонаи миллии Тоҷикистон таҳти унвони «Ҳеҷ кас ва ҳеҷ чиз фаромӯш нашудааст» намоиш ифтитоҳ ёфт
ДУШАНБЕ, 03.05.2019 /АМИТ «Ховар»/. Имрӯз дар Осорхонаи миллии Тоҷикистон таҳти унвони «Ҳеҷ кас ва ҳеҷ чиз фаромӯш нашудааст» намоиш ифтитоҳ гардид.
Тавре ба мухбири АМИТ «Ховар» сардори шуъбаи экскурсионӣ ва оммавии Муассисаи давлатии «Осорхонаи миллии Тоҷикистон»-и назди Дастгоҳи иҷроияи Президенти Ҷумҳурии Тоҷикистон Фаридун Кенҷаев хабар дод, дар намоиш собиқадорони ҷангу меҳнат, сарбозони қисмҳои ҳарбӣ, хонандагони мактабҳои миёнаи шаҳри Душанбе иштирок намуданд.
Дар қисмати ифтитоҳи расмии намоиш директори Осорхонаи миллии Тоҷикистон Абдувалӣ Шарифзода собиқадорони ҷангу меҳнатро дар робита ба ин ид табрик намуда, зикр кард, ки имрӯз Ҳукумати Ҷумҳурии Тоҷикистон, бахусус Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон собиқадоронро зери ғамхории бевоситаи хеш қарор додаанд.
Ҳамчунин собиқадорони Ҷанги Дуюми Ҷаҳонӣ андешаҳои худро бахшида ба Рӯзи Ғалаба иброз ва аз дастгириҳои пайвастаи Ҳукумати Ҷумҳурии Тоҷикистон ва Ҳукумати шаҳри Душанбе қаноатмандӣ намуданд.
Дар намоиши махсуси ҷашнӣ аз фонди Осорхона ҳуҷҷатҳо, расмҳо ва дигар маводи таърихии марбут ба Ҷанги дуюми ҷаҳонӣ ба маъраз гузошта шудаанд.
Бояд зикр намуд, ки дар ҷараёни Ҷанги дуюми ҷаҳонӣ беш аз 300 ҳазор нафар фиристодагони Тоҷикистон дар набардҳои шадид иштирок намуда, 92 ҳазор нафари онҳо ба хотири адо кардани қарзи фарзандии хеш ҷон супурдаанд, 58 ҳазор нафар бо нишону орденҳои давлатӣ ва 54 нафар ба гирифтани унвони Қаҳрамони Иттиҳоди Шӯравӣ мушарраф гардидаанд.
Шуҷоату диловарии мардуми баору номуси Тоҷикистон дар солҳои Ҷанги дуюми ҷаҳонӣ намунаи олии ватандӯстӣ ва сабақи беҳтарини мардонагиву ватандорӣ барои наслҳои имрӯзу оянда мебошад.
Бахшида ба ин ҳодисаи таърихӣ дар экспозитсияи Осорхонаи миллии Тоҷикистон ҳамчунин гӯшаи алоҳидаи Ҷанги дуюми ҷаҳонӣ ба таври доимӣ фаъолият менамояд.
Бояд зикр намуд, ки намоиши «Ҳеҷ кас ва ҳеҷ чиз фаромӯш нашудааст» то 20 майи соли 2019 дар Осорхонаи миллии Тоҷикистон идома меёбад.
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
Дар Тоҷикистон Рӯзҳои фарҳанги Ҷумҳурии Мардумии Чин доир мегарданд
Ба зиёда аз 36 ҳазор хонаводаи ноҳияи Ҷалолиддини Балхӣ китоби «Шоҳнома» тақдим мегардад
