ДОНАЛД ТУСК: «ДАР МИНТАҚАИ ДУРДАСТИ ТОҶИКИСТОН ШОҲИДИ ТАҒЙИРЁБИИ ИҚЛИМ ГАРДИДАМ!». Президенти Шӯрои Аврупо бори аввал аз Кӯли Сарез ва кӯҳистони Дарвоз дидан кард

Май 31, 2019 14:43

ДУШАНБЕ, 31.05.2019 /АМИТ «Ховар»/. «Дар минтақаи дурдасти Тоҷикистон шоҳиди бевоситаи  тағйирёбии иқлим гардидам!..», — чунин баён кардааст Доналд Туск таассуроташро аз сафари худ ба Вилояти Автономии Бадахшони Қӯҳӣ дар саҳифаи худ дар шабакаи иҷтимоии «Фейсбук».  

Ӯ, аз ҷумла, обшавии чанде аз пиряхҳои атрофи кӯл ва зебогии онро мутазаккир шуда, чунин  идома додааст: «Дар минтақаи дурдасти Тоҷикистон шоҳиди бевоситаи тағйирёбии иқлим гардидам. Кӯли Сарез зебо менамояд. Тасаввур кунед, ки вақте онро пиряхҳо иҳота мекарданд, он чи қадар зебо буд. Ин ҷо иқлим тағйир меёбад, 5 пирях аллакай об шудааст ва сатҳи об баланд мегардад».

Ҳамчунин дар идома Доналд Туск тағйирёбии иқлимро мушкилоти ҷаҳонӣ номида, ба  фаъолияти якҷоя ҷиҳати пешгирии он даъват менамояд.

Ёдовар мешавем, ки 29 май Президенти Шӯрои Аврупо Доналд Туск бо сафари расмӣ ба Тоҷикистон ташриф овард. Дар доираи ин сафар 30 май дар Қасри миллат маросими истиқболи расмии ӯ аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардид.

Зимни мулоқот ҷонибҳо масъалаҳои муҳими ҳамкории сиёсию иқтисодӣ ва иҷтимоию башардӯстонаи Тоҷикистону Иттиҳоди Аврупо, татбиқи санадҳои қаблан имзошуда, аз ҷумла Созишномаи ҳамкорӣ ва шарикӣ миёни Тоҷикистон ва Иттиҳоди Аврупоро баррасӣ карда, нақши Шӯрои ҳамкорӣ, Кумитаи ҳамкорӣ ва Зеркумитаи рушди он, Муколамаи сиёсию амниятӣ ва Муколамаи ҳуқуқи инсонро барои таҳкими муносибот, назаррас арзёбӣ карданд.

ДАР АКСҲО: Президенти Шӯрои Аврупо  ҳангоми боздид аз кӯли Сарез ва кӯҳистони ноҳияи Дарвоз.

Май 31, 2019 14:43

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»