«ФИРИСТОДА БОЯД, КИ ДОНО БУВАД…». Миёни донишҷӯён олимпиадаи ҷумҳуриявӣ баргузор гардид
ДУШАНБЕ, 03.05.2019 /АМИТ «Ховар»/. Имрӯз дар Донишгоҳи давлатии молия ва иқтисоди Тоҷикистон даври хотимавии Олимпиадаи ҷумҳуриявӣ миёни донишҷӯёни муассисаҳои таҳсилоти олии касбӣ таҳти унвони «Фиристода бояд, ки доно бувад…» оғоз гардид.
Унвони олимпиада аз чунин байти устод Абулқосим Фирдавсӣ гирифта шудааст:
Фиристода бояд, ки доно бувад,
Ба гуфтан далеру тавоно бувад…
Тавре ба мухбири АМИТ «Ховар» аз Донишгоҳи мазкур хабар доданд, дар олимпиада аз 39 муассисаи олии таҳсилоти касбии мамлакат қариб 326 нафар ғолибони олимпиадаҳои дохилидонишгоҳӣ аз рӯи фанҳои забон ва адабиёти тоҷик, забон ва адабиёти рус, забони англисӣ, таърих, фалсафа, сиёсатшиносӣ, математика, физика, химия, биология, экология, география, назарияи иқтисод ва технологияҳои иттилоотӣ дониши худро санҷиданд.
Дар олимпидаи мазкур раиси Шӯрои ректорони муассисаҳои таҳсилоти олии мамлакат, ректори Донишгоҳи миллии Тоҷикистон, академик Муҳаммадюсуф Имомзода нақши муассисаҳои таҳсилоти олиро дар рушди илм муассир хонда, иброз дошт, ки имрўз мактабҳои олӣ меҳвари асосии илми кишвар маҳсуб мешаванд.
Тавре гуфта шуд, соли 2017 8959 маводи илмӣ нашр гардидааст, ки аз он 6165, ё ин ки 68,8%-и онро маводи илмии муассисаҳои таълимӣ ташкил медиҳанд. Аз 199 нафар доктор ва номзади илм, ки соли 2017 ҳимоя кардаанд, 166 нафар, ё ки 83%-и онро омўзгорони макотиби олии кишвар ташкил медиҳанд. Мавсуф барои ҳавасмандгардонии ғолибони олимпиада дар шуъбаи магистратура ба таври буҷавӣ қабул шудани онҳоро пешниҳод намуд.
Бояд ёдовар шуд, ки бо назардошти мавҷудияти заминаи хуби техникии Донишгоҳи давлатии молия ва иқтисоди Тоҷикистон ин чорабинии калони илмии сатҳи ҷумҳуриявӣ маҳз дар ин таълимгоҳ сурат мегирад. Раёсати донишгоҳ барои дар сатҳи баланд гузаштани раванди ин сабқати ҷумҳуриявӣ тамоми шароитро муҳайё сохтааст, аз қабили пешниҳоди хобгоҳ, маркази тестии бо компютер таҷҳизонидашуда ва дигар шароити маишию фарҳангӣ.
Ба иттилои манбаъ, олимпиада пагоҳ ҷамъбаст ва ғолибон муайян мегарданд.
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
