ФУТБОЛ: имрӯз дастаи мунтахаби наврасони Тоҷикистон бо «Кайрат» қувва месанҷад

ДУШАНБЕ, 29.05.2018. /АМИТ «Ховар»/. Имрӯз дар доираи омодагӣ ба марҳилаи интихобии Чемпионати Осиё-2020 дастаи мунтахаби наврасони Тоҷикистон (U-16) бо роҳбарии сармураббӣ — Аҳлиддин Турдиев, ки  дар шаҳри Алма-Атои Ҷумҳурии Қазоқистон ҷамъомадҳои таълимӣ-тамринии худро идома медиҳад, бо ҳамсолони худ аз дастаи «Кайрат»-и Қазоқистон  қувва месанҷад.   Боз як вохӯрии дигари таҷрибавӣ бо ин даста 31-уми май баргузор хоҳад шуд.

Ёдовар мешавем, ки мунтахаби наврасони Тоҷикистон (U-16) дар марҳилаи интихобии Чемпионати Осиё-2020 дар гурӯҳи «А» бо дастаҳои мунтахаби Урдун, Непал, Шри-Ланка ва Кувейт барои ба бозиҳои минбаъда роҳхат гирифтан рақобат менамояд.

Марҳилаи интихобии Чемпионати Осиё-2020 дар гурӯҳи «А» аз 14-ум то 22-юми сентябр дар салтанати  Урдун доир мешавад.