Табибони корвони саломатӣ дар Кӯлоб бо 4900 нафар сокинон машварат гузарониданд
КӮЛОБ, 03.05.2019 /АМИТ «Ховар»/. Дар маъракаи корвони саломатие, ки дар шаҳри Кӯлоб доир гардид, табибон бо беш аз 4900 нафар сокинон машварат гузаронида, онҳоро ташхис карданд.
Чанде пеш дар шаҳри Кӯлоб гурӯҳи калони табибон аз ҳисоби профессорону дотсентҳо ва номзадҳои илм шурӯъ аз соати шаши пагоҳӣ дар назди Маркази саломатии рақами 1-и шаҳр ва Донишгоҳи давлатии Кӯлоб ба номи Абӯабдулло Рӯдакӣ ташхиси ройгони шахрвандонро оғоз карданд. Тавре корманди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Илҳомҷон Бандаев иттилоъ дод, сокинони шаҳру ноҳияҳои минтақаи Кӯлоб ба назди табибони корвони саломатӣ омада, аз ташхису муоина гузаштанд. Табибон сокинонро ташхис намуда, барои табобат ба беморхонаҳо роҳхат ва ба қисми дигар дорухат доданд.
Ба иттилои маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, табибони корвони тандурустӣ ҷарроҳии 43 нафар беморон ва хатнаи 80 нафар кӯдаконро ройгон гузарониданд. Инчунин беш аз 7 ҳазор сокинон барои ташхис ва машварат омаданд. Аз ин шумора 530 нафар аз ташхиси ултрасадо, 424 нафар аз Вируси норасоии масунияти одам, 203 кас аз ташхиси қанд гузашта, ба беш аз 5000 нафар маводи иттилоотӣ оид ба пешгирии бемориҳои гуногун дода шуд.
Ин гуна корвони саломатӣ дар дигар шаҳру ноҳияҳои мамлакат низ гузаронида мешавад.
Дар назди Беморхонаи клиникавии шаҳрии №1-шаҳри Хуҷанд бинои интенсивӣ бунёд мешавад
«ЗАН ВА ЗАМОН: 25 СОЛИ МУЗАФФАРИЯТ». Таҳти ин унвон ҳамоиши сиёсию фарҳангӣ доир гардид
Дар ноҳияи Ашт мониторинги эпидемиологӣ гузаронида шуд
Агентии обуҳавошиносии Тоҷикистон сабаби ба амал омадани тумани рӯзҳои охирро шарҳ дод
Ғолибони Озмуни ҷумҳуриявии «Тарбия аз оила сарчашма мегирад» муайян шуданд
Ба Институти геология, сохтмони ба заминҷунбӣ тобовар ва сейсмология таҷҳизоти сейсмикӣ ва озмоишӣ супорида шуд
Дар Осорхонаи миллӣ намоиши хайриявӣ баргузор гардид
Муовини якуми Раиси Ҳизби Халқии Демократии Тоҷикистон бо ҳайати Ҳизби Коммунистии Чин мулоқот намуд
Мулоқоти Ваколатдор оид ба ҳуқуқи инсон бо раиси Гурӯҳи дӯстии байнипарлумонии Тоҷикистону Арабистони Саудӣ
Дар шаҳри Риёз ҳамкорӣ байни Тоҷикистон ва Арабистони Саудӣ дар соҳаи ҳифзи ҳуқуқи инсон баррасӣ шуд
Дар Маҷлиси намояндагон оид ба пешгирии никоҳи бармаҳал ва ҷалби духтарон ба касбомӯзӣ ҳамоиш доир шуд
Ҳамкории Тоҷикистон ва Чин дар соҳаи тандурустӣ густариш меёбад
