ЗАБОН ДОНӢ-ҶАҲОН ДОНӢ. Кӯдакистонҳои шаҳри Хуҷанд дар омӯзиши забонҳои хориҷӣ фаъоланд
ХУҶАНД, 28.05.2019. /АМИТ «Ховар»/. Шуъбаи маорифи шаҳри Хуҷанд дар якҷоягӣ бо мақомоти иҷроияи ҳокимияти давлатии шаҳр ҷиҳати иҷрои дастури Вазорати маориф ва илми Ҷумҳурии Тоҷикистон вобаста ба такмили таълим ва омӯзиши забонҳои хориҷӣ, чун забони русӣ ва англисӣ дар муассисаҳои мактабиву томактабӣ тадбирҳои зарурӣ меандешад.
Бино ба иттилои хабарнигори АМИТ “Ховар” Абдуаҳад Дадабоев, иқдоми мазкур бештар дар муассисаҳои томактабӣ ба назар расида, дар онҳо натиҷагирӣ ва омӯзиши дарс дар сатҳи хуб ба роҳ монда шудааст.
Тибқи маълумоти масъулини шуъбаи маорифи шаҳр, ҳадаф аз ҷорӣ намудани амали мазкур, ин татбиқ намудани «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои солҳои 2015-2020» дар муассисаҳои таълимии томактабӣ мебошад. Зимни омӯзишҳо, пеш аз ҳама фароҳам овардани шароити педагогию психологӣ баҳри рушди қобилият ва завқи кӯдакони синни томактабӣ дар омӯзиши забонҳои русию англисӣ роҳандозӣ гардида, инчунин бо кӯдакони болаёқат дар асоси ба инобат гирифтани неруи зеҳнӣ ва малакаи забондонии онҳо машғулиятҳои гуногуни донишандӯзӣ гузаронида мешаванд.
Аз ҷумла, бо забони русӣ дар мавзӯи «Чор фасли сол» дар кӯдакистони №28 бо кӯдакони гурӯҳи калон дарси кушод, бо омӯзиши забони англисӣ ва забони русӣ дар кӯдакистони №40 дар гурӯҳҳои омодагӣ ба мактаб машғулияти намунавӣ, ки аз шиносоӣ бо шаклҳои геометрӣ ва муҳити зист иборат буданд, гузаронида шуданд.
Бо истифода аз забони русӣ ва англисӣ дар кӯдакистони №26 дар гурӯҳи омодагӣ ба мактаб баҳри муайян намудани таълими савод, ташаккули тасаввуроти оддитарини математикӣ, инкишофи нутқ, бо истифода аз методҳои интерактививу инноватсионӣ чанде пеш тибқи нақшаи таълимӣ машғулияти комплексӣ гузаронида шуд.
Машғулиятҳои зикршуда аз ҷониби масъулини шуъбаи маорифи шаҳр баҳои баланд гирифтанд. Кӯдакон дар навбати худ зимни машғулиятҳо бо истифода аз ашёву айёнияти намоишӣ бо ҷавобҳои саҳеҳу бурро чолокиву зиракии худро нишон доданд.
Бояд зикр аст, ки имрӯз дар кӯдакистонҳои шаҳри Хуҷанд 9398 нафар тарбиятгирандагон ба таълиму тарбия фаро гирифта шуда, шумораи гурӯҳҳои таълимашон бо забони русӣ 45 адад буда, ҳамзамон дар 136 адад гурӯҳҳои алоҳида машғулиятҳои иловагӣ аз забони русӣ ва дар 130 гурӯҳҳо машғулиятҳои забони англисӣ гузаронида мешаванд.
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
