ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. То ҷашни Ваҳдати миллӣ қисмати аввали роҳи марказии ноҳияи Нуробод ба истифода дода мешавад

Июнь 12, 2019 14:42

НУРОБОД, 12.06.2019 /АМИТ «Ховар»/. Бахшида ба ҷашнҳои 30-солагии Истиқлолияти давлатии Ҷумҳурии Тоҷикистон ва Ваҳдати миллӣ дар ноҳияи Нуробод мумфаршкунии  кӯчаи марказии шаҳраки Дарбанд  дар масофаи 1120 метр  оғоз  гардид.

Барои сохтмони иншооти мазкур аз ҷониби Муассисаи давлатии «Мудирияти минтақаи зериобшавандаи НБО-и Роғун» 4 миллиону 700  ҳазор сомонӣ ҷудо  гардида, корҳои сохтмониро ширкати  «Нуробод — лоиҳа» ба сомон  мерасонад.

Тавре мухбири минтақавии АМИТ «Ховар» Субҳониддини Маҳмуд хабар медиҳад,  дар оғози ин амали нек роҳбарияти ноҳия, меҳмонон, собиқадорон ва аҳли ҷамоатчигии ноҳия ширкат варзиданд.

Тавре директори ширкати сохтмонии «Нуробод — лоиҳа» Хуршед Собиров иброз дошт, «дар доираи ин лоиҳа дар масофаи 2240 метр  чароғонкунию сафолакпӯшонии роҳравҳо ва иваз намудани новаҳои обрави роҳро  амалӣ  менамоем. Қисмати аввали сохтмони роҳи марказии ноҳияро дар арафаи ҷашни 22 — солагии Рӯзи Ваҳдати миллӣ бо иштироки меҳмонони олиқадр ба истифода медиҳем».

Ёдовар мешавем, ки  дар доираи ҳидоятҳои созандаи Асозгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо   дар ноҳияи Нуробод корҳои созандагию бунёдкорӣ  бахшида ба ҷашни таърихии мамлакат  — 30-солагии Истиқлолияти давлатӣ  бомаром идома дошта, роҳбарияти ноҳия азм доранд, ки дар  ҳар ҷамоати деҳот  иншооти  таъйиноти гуногун, аз ҷумла бунгоҳҳои тиббӣ, ҳаммом, сартарошхона, китобхона ва ғайраҳоро бунёд намуда,   барои некуаҳволии мардум шароит фароҳам оранд.

 

Июнь 12, 2019 14:42

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Сарвазири Тоҷикистон Қоҳир Расулзода дар ноҳияи Хуросон бо корҳои ободонию созандагӣ шинос шуд
СОҲИБИХТИЁРӢ — АРЗИШИ БУЗУРГУ БЕБАҲО. Нақши Пешвои миллат дар таҳкими истиқлоли давлатӣ беназир аст