Ҳаким Фузайлов аз сармураббигии дастаи «Истиқлол» озод гардид

Июнь 28, 2019 15:53

ДУШАНБЕ 28.06.2019. /АМИТ «Ховар»/. 27 июни соли равон  сармураббии дастаи  овозадори футболи «Истиқлол»-и Душанбе  Ҳаким Фузайлов аз вазифааш  барканор гардид. Ин амал бо хоҳиши  Ҳ.Фузайлов  сурат гирифта,  ӯ бегоҳии 27-уми июни соли равон,  пеш аз тамрини даста ба чунин хулоса  омадааст.

Тавре аз Федератсияи футболи Тоҷикистон ба мухбири АМИТ «Ховар» Меҳрони Қурбон хабар доданд, роҳбарияти даста хоҳиши Ҳ.Фузайловро ба инобат гирифта,  ӯро аз  вазифаи ишғолнамудааш озод  намуданд ва  ба ӯ барои хизматҳои анҷомдодааш  изҳори сипос намуданд. Номбурдаро дар ин мақом то анҷоми мавсим ёрдамчии ӯ  Алишер Тӯхтаев иваз мекунад.

Лозим ба ёдоварист, ки  сабаби аз вазифа рафтани Ҳ.Фузайлов  ин аст, ки шоми 26-уми июни соли равон дар Варзишгоҳи марказии шаҳри Душанбе бозии марказӣ ва тақдирсози Ҷоми КФО-2019 дар гурӯҳи «D»  байни дастаҳои футболи «Истиқлол»-и Тоҷикистон  ва «Алтин Асир»-и Туркманистон баргузор шуда, бо ҳисоби мусовии 1:1 хотима ёфт.

Дастаи  футболи   «Алтин Асир»-и Туркманистон дар бозии мазкур бо ба даст овардани 10 имтиёз роҳи хешро ба даври навбатӣ рӯшан кард. Дастаи  «Истиқлол»-и Тоҷикистон  бошад соҳиби   8 имтиёз гардид, вале ба даври навбатӣ роҳ наёфт.

Июнь 28, 2019 15:53

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад