«ҲАМА НИЮШАИ ХОҶА БА НЕКӮИЮ БА СУЛҲ АСТ…». Раиси ҶМЧ Си Ҷинпин зимни суханронии худ дар Саммити Душанбе аз поягузори адабиёти классикии тоҷику форс Абӯабдуллоҳи Рӯдакӣ иқтибос овард

Июнь 15, 2019 14:09

ДУШАНБЕ, 15.06.2019. /АМИТ «Ховар»/.  Раиси Ҷумҳурии Мардумии Чин Си Ҷинпин зимни суханронӣ  дар Саммити Машварати ҳамкорӣ ва тадбирҳои боварӣ дар Осиё  дар Душанбе изҳор дошт, ки кишвараш ҷонибдори сулҳ дар Осиё ва тамоми ҷаҳон мебошад. Дар ин бора хабарнигори АМИТ «Ховар» хабар медиҳад.

Барои тақвияти суханҳояш Си Ҷинпин аз поягузори адабиёти классики тоҷику форс устод Абӯабдуллоҳи Рӯдакӣ иқтибос овард:

Ҳама ниюшаи хоҷа ба некӯию ба сулҳ аст,
Ҳама ниюшаи нодон ба ҷангу фитнаву ғавғост.

Ба андешаи ӯ, кишварҳоро зарур аст, ки якҷоя амниятро эҷод намоянд, соҳибихтиёрӣ ва роҳи демократиро эҳтиром гузоранд, инчунин барои интихоби роҳи сиёсӣ имконият диҳанд.

«Бунёди Осиёи Марказии бехатар ҳадафи умумии мо мебошад. Мо ҷонибдори муколама бар ивази муқовимат мебошем», — таъкид намуд роҳбари Чин.

Ба гуфтаи ӯ, барои мубориза бо терроризм бояд бо дарназардошти ҳошияҳои Осиё тадбирҳои муассир андешида шаванд.

«Рушд калиди ҳалли тамоми мушкилот мебошад. Ҳадафи мо бунёди Осиёи кушодаву таҳаммулпазир ва мавҷудияти муносиби тамаддунҳо ба ҳисоб меравад», — тазаккур дод Си Ҷинпин.

Ба гуфтаи ӯ, дар робита ба ин, татбиқи тавофуқҳои дар доираи саммити «Як камарбанд, як роҳ» бадастомада зарур мебошад.

«Чин саҳм ба рушди ҷаҳон ва ҷомеаи тақдири ягонаи инсониятро дастгирӣ менамояд. Мо бо роҳи осоишта рушд карда, роҳи ҳалли сулҳонаи чолишҳои бамиёномадаро пеш мебарем», — гуфт дар фарҷом Раиси ҶМЧ.

Июнь 15, 2019 14:09

Хабарҳои дигари ин бахш

Артиши Масъуд се ноҳияи Панҷшерро тасарруф намуда, толибонро асир гирифт
Дар Сербия пирӯзии Александр Вучичро дар интихоботи президентӣ расман эълон карданд
Эммануэл Макрон дар интихоботи Фаронса пас аз ҳисоби садфоизаи овозҳо пирӯз шуд
ДАР ФАРОНСА — БОЗ ХУРУҶИ ЗУКОМИ ПАРАНДА. АМИТ «Ховар» ёдовар мешавад, ки ин чӣ гуна вирус аст
Oxfam: таваррум 260 миллион нафарро дар фақри шадид қарор медиҳад
Шаҳбоз Шариф сарвазири нави Покистон интихоб гардид
Дар Москва Владимир Жириновский аз олам даргузашт
«МАКТАБҲОРО КУШОЕД!». Духтарони афғон ба эътироз баромаданд
АФҒОНИСТОН БАДБАХТТАРИН КИШВАРИ ҶАҲОН ЭЪЛОН ГАРДИД. Дар ин бора дар Гузориши умумиҷаҳонии СММ оид ба хушбахтӣ зикр шудааст
Имрӯз дар Туркманистон маросими савгандёдкунии президенти тозаинтихоб баргузор шуд
СММ: Ҷаҳонро бинобар воқеоти Украина гуруснагӣ таҳдид мекунад
ФАВРӢ! Сердар Бердимухамедов дар интихоботи президентии Туркманистон пирӯз гардид