Майдончаи варзишӣ-дастовези идонаи Суди Олӣ ба сокинони кӯчаи Н. Қарабоеви Душанбе
ДУШАНБЕ, 22.06.2019 /АМИТ «Ховар»/. Дар арафаи Рӯзи Ваҳдати миллӣ имрӯз дар кӯчаи Неъмат Қарабоеви шаҳри Душанбе дар доираи иқдомҳои созандагӣ ва бунёдкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикикистон муҳтарам Эмомалӣ Раҳмон боз як майдончаи варзишӣ мавриди истифода қарор дода шуд, ки он аз ҷониби Суди Олии Ҷумҳурии Тоҷикистон бунёд гардидааст.
Дар маросими ифтитоҳи майдончаи варзишӣ Раиси Суди Олии Ҷумҳурии Тоҷикистон Шермуҳаммад Шоҳиён ва муовини раиси шаҳри Душанбе Толиб Раҳимзода, намояндагону кормандони сохторҳои дигари пойтахт иштирок намуда, мавриди баҳрабарорӣ қарор додани ин иншооти варзиширо дастовези арзандаи идона ба сокинони кӯчаи мазкур арзёбӣ намуданд.
Бояд тазаккур дод, ки тамоми корҳои сохтмонии майдончаи варзишӣ, вобаста ба сохтмон, ободонӣ, кабудизоркунӣ ва насби таҷҳизоти варзишию истироҳатӣ бо ҷалби мутахассисони соҳаи марбута бо риояи меъёру қоидаҳои сохтмонӣ дар асоси лоиҳаи тасдиқгардида ва дар мувофиқа бо сохторҳои марбутаи шаҳри Душанбе ба анҷом расонида шудааст.
Дар майдончаи варзишӣ барои бозии кӯдакон, истироҳати сокинон ва варзиши онҳо таҷҳизотҳои гуногуни истироҳатию варзишӣ ва нишастгоҳҳу айвонча насб гардидааст. Ин иншооти варзишӣ дорои майдончаҳо барои бозиҳои гуногун, аз қабили футбол, баскетбол ва волейбол мебошад.
Ҳамзамон дар атрофи майдончаи варзишӣ беш аз 80 бех дарахтони арчаҳои бисёрсола, инчунин гулу буттаҳои ороишӣ шинонида шудаанд, ки ба ин мавзеъ ҳусну таровати тоза зам менамоянд.
Бунёди чунин майдончаҳои варзишӣ дар пойтахт барои тарғиби тарзи ҳаёти солим, рушди варзиш, ҷалби наврасону ҷавонон ба варзиш, истироҳати бофароғати сокинону меҳмонон ва инчунин ободу зебо гардидани симои пойтахт мусоидат менамояд.
Марзия САИДЗОДА,
АМИТ «Ховар»
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Дар Хуҷанд якчанд иншооти хизматрасонӣ ба истифода дода шуд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Дар деҳоти Исфисори ноҳияи Бобоҷон Ғафуров варзишгоҳи бузург бо 7000 ҷойи нишаст ба истифода дода шуд
Дар шаҳри Истаравшан Маркази саломатӣ ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Муассисаи давлатии мактаби махсуси варзишӣ оид ба футболро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
Сарвари давлат Эмомалӣ Раҳмон дар шаҳри Бӯстон корхонаи истеҳсоли пойафзолро ифтитоҳ намуданд
Пешвои миллат Эмомалӣ Раҳмон дар шаҳри Бӯстон Маркази ташхису табобатии «Луқмони Ҳаким»-ро мавриди истифода қарор доданд
