Бонки миллии Тоҷикистон низоми муосири автоматишудаи байнибонкии интиқоли маблағҳоро роҳандозӣ намуд
ДУШАНБЕ, 25.07.2019/АМИТ «Ховар»/. Бонки миллии Тоҷикистон «Низоми муосири автоматишудаи байнибонкии интиқоли маблағҳо»- ро роҳандозӣ намуд. Низоми мазкур дар ҳамкорӣ бо Бонки ҷаҳонӣ дар доираи лоиҳаи «Баланд бардоштани рақобатнокии бахши хусусӣ» ба ивази низоми амалкунандаи пардохтҳои байнибонкӣ ҷорӣ гардид. Ҳадафи низоми мазкур рушди инфрасохтори низоми пардохтӣ, беҳтар намудани сифати хизматрасонӣ ва ҷавобгӯ намудани низоми пардохтӣ ба талаботи замон ва стандартҳои байналмилалӣ мебошад.
Тавре аз Бонки миллии Тоҷикистон ба АМИТ «Ховар» иттилоъ доданд, низоми нав дар асоси технологияҳои муосир сохта шуда, ба стандартҳои маъмули ҷаҳонӣ ҷавобгӯ мебошад. Он дорои як қатор бартариятҳо, аз қабили идоракунии навбатнокии пардохтҳо, набудани маҳдудият ба шумораи пардохтҳо дар давоми рӯзи амалиётӣ, дорои модулҳои муосири интиқоли пардохтҳо дар реҷаи вақти воқеӣ, клиринг ва пардохтҳои босуръат аст.
Низоми зикргардида самаранокӣ ва эътимоднокии низоми пардохтии мамлакатро афзун намуда, барои рушди минбаъдаи инфрасохтори низоми пардохт ва ҳисоббаробаркуниҳои ғайринақдӣ заминаи устувор мегузорад.
Ҳоло ҳисоббаробаркуниҳо ва интиқоли пардохтҳо байни ташкилотҳои қарзии молиявӣ дар реҷаи вақти воқеӣ (онлайн) бо сураъти баланд ва бетаъхир анҷом дода мешаванд.
Дар доираи «Лоиҳа оид ба асосҳои рақамӣ дар Ҷумҳурии Тоҷикистон» Ёддошти ҳусни тафоҳум ба имзо расид
Корхонаи «Сирдарё» дар як шабонарӯз то 5 ҳазор қуттӣ шарбату афшура омода мекунад
Дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ ба масъалаи бунёди неругоҳҳои бодӣ ва офтобӣ таваҷҷуҳ зоҳир гардид
Дар рӯзномаи арабии «Аш-Шарқ ал-Авсат» мусоҳибаи раиси Кумитаи давлатии сармоягузорӣ ва идораи амволи давлатии Тоҷикистон нашр гардид
ХАТСАЙРИ ДУШАНБЕ-ИСЛОМОБОД. Нахустин парвози ширкати ҳавопаймоии Тоҷикистон «Сомон Эйр» ба Покистон анҷом дода шуд
Дар Вазорати молияи Тоҷикистон бо ноибони президентҳои Бонки ҷаҳонӣ ва Корпоратсияи Байналмилалии Молиявӣ мулоқот доир гардид
Ноиби Президенти Бонки ҷаҳонӣ Антонелла Бассани: «Дар самти таъмини оби нушокӣ хамкориро тақвият мебахшем»
Институтҳои молиявии ҷаҳонӣ ҳамкории самаранокро бо Тоҷикистон идома медиҳанд
«CASA-1000». Вазири энергетикаи Тоҷикистон ва Губернатори Хайбар-Пахтунхваи Покистон ҳамкории энергетикиро дар доираи ин тарҳ баррасӣ намуданд
Ифтитоҳи намояндагиҳои бонкҳои Озарбойҷон дар Тоҷикистон дар мулоқоти роҳбарони бонкҳои марказии ҳар ду давлат баррасӣ шуд
Аз 1 то 3 июл дар Тоҷикистон Ҷаласаи гурӯҳи электорати Хазинаи Байналмилалии Асъор ва Бонки ҷаҳонӣ баргузор мегардад
