Дастаи мунтахаби ҷавонони Тоҷикистон оид ба футбол ба Арабистони Саудӣ сафар кард

Июль 25, 2019 13:30

ДУШАНБЕ, 25.07.2019 /АМИТ «Ховар»/. Дастаи  мунтахаби ҷавонони   то  18-солаи  Тоҷикистон  оид ба футбол   барои анҷом додани ду бозии дӯстона ба Арабистони Саудӣ   сафар намуд. Дар ин бора  аз Федератсияи футболи Тоҷикистон ба мухбири АМИТ «Ховар» Меҳрони  Қурбон  хабар доданд.

Тибқи иттилои манбаъ,  дар бозиҳои рафиқонае, ки рӯзҳои 26  ва 29 июли соли равон  баргузор мешаванд, сармураббии  дастаи мунтахаби  Тоҷикистон  Зайниддин Раҳимов бо худ 23 футболбоз, аз ҷумла 2 дарвозабон, 6 дифоъгар, 9 нимҳимоятгар ва 6 ҳамлагарро сафарбар намудааст.

Ёдовар мешавем, ки бозиҳои дӯстона бо  дастаи мунтахаби  ҷавонони Арабистони Саудӣ як марҳилаи омодагии  дастаи мунтахаби ҷавонони  Тоҷикистон ба марҳилаи интихобии Чемпионати Осиё-2020, ки аз 2  то 6  октябри соли равон  дар шаҳри Душанбе баргузор мешавад, ба шумор меравад. Рақибони дастаи мунтахаби ҷавонони  Тоҷикистон  дар ин  мусобиқа дастаҳои миллии Сурия, Ливан ва Малдив мебошанд.

Ҳайати мунтахаби Тоҷикистон (U-18) дар бозиҳои дӯстона ба муқобили Арабистони Саудӣ:

Дарвозабонҳо: Муҳриддин Ҳасанов («Парвоз»), Шоҳрух Қирғизбоев («Локомотив-Помир»);

Ҳимоятгарон: Манучеҳр Сафаров («Хуҷанд»), Алиҷон Кароматуллозода (ССКА «Помир»), Шаҳром Назаров, Ҷонибек Шарипов, Исроил Холов, Шоҳрух Сангов (ҳама – «Локомотив-Помир»);

Нимҳимоятгарон: Абдулмумин Забиров (ССКА «Помир»), Салам Ашурмамадов («Истиқлол»), Шарифбек Раҳматов, Азизбек Ҳасанов, Умедҷон Холиқов, Нидоёр Забиров, Шуҳрат Элмуродов, Озодбек Панҷиев, Амадони Камолов (ҳама – «Локомотив-Помир»);

Ҳамлагарон: Шаҳром Самиев («Истиқлол»), Рустам Соиров, Ислом Зоиров, Парвиз Хоҷиев (ҳама – «Локомотив-Помир»), Сунатулло Исмоилов («Хатлон»), Муҳаммадалӣ Азизбоев («Истаравшан»).

Ҳайати доварон: Давлатманд Исломов – роҳбари ҳайат, Анваршо Мирзоев – чеҳраи расмӣ, Азизҷон Достиев – менеҷер, Зайниддин Раҳимов – сармураббӣ, Сафаралӣ Раҳмонов – мураббӣ, Субҳон Хоҷамов – мураббӣ, Асатулло Норов – мураббии дарвозабонҳо, Баҳодур Носиров – табиб, Умар Нуров – маъмур.

Июль 25, 2019 13:30

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад