ФУТБОЛ: дастаи мунтахаби Бразилия баъд аз 12 соли интизорӣ Ҷоми Амрикоро ба даст овард

Июль 8, 2019 10:50

ДУШАНБЕ, 08.07.2019. /АМИТ «Ховар»/. Шаби 7 ба 8  июли соли  равон  Ҷоми Амрико-2019 низ бо ҳама шукӯҳу шаҳомати хеш ба нуқтаи ниҳоӣ расид. Тӯли як моҳ мо шоҳиди бозиҳои ҷолиби қораи Амрикои Ҷанубӣ шудем. Хулоса, то финали ин мусобиқа   дастаҳои футболи  мунтахаби Бразилия ва Перу роҳ ёфтанд. Варзишгоҳи муҳташами «Маракана — Марио Филю»-и шаҳри Рио-де-Жанейро   бозии финалиро мизбонӣ намуд. Дар ин бора шореҳи варзиш Бобо Холмуродзода ба мухбири АМИТ «Ховар»  Меҳрони Қурбон хабар дод.  

Бозии ин дастаҳо  пуршиддат сурат гирифта, бо ҳисоби 3:1 ба фоидаи мизбони ин чорабинӣ, яъне  дастаи мунтахаби Бразилия хотима ёфт. Ёдовар мешавем, ки аз дақиқаи 70-уми дидор  дастаи мунтахаби Бразилия бозиро даҳнафара идома дод, зеро Габриэл Жезус барои рафтори ғайриварзишиаш бо баргаи сурх муҷозот шуда, аз бозӣ ронда шуд. Ҳамин тавр,  дастаи  мунтахаби Бразилия баъд аз 12 соли интизорӣ боз ба фатҳи Ҷоми Амрико даст ёфт. Дастаи футболи мунтахаби Перу маротибаи охир соли 1975 дар Ҷоми Амрико қаҳрамон шуда буд.  Хотиррасон  менамоем, ки  Ҷоми Амрикоро аз ҳама бештар дастаи мунтахаби Уругвай 15 маротиба соҳиб гардидааст.

Ҷоми Амрико-2019

Финал

Бразилия – Перу – 3:1 Голҳо: Эвертон, 15 (1:0). Хосе Паоло Герреро, 44 (пеналти) (1:1). Габриэл Жезус, 45+3 (2:1). Ришарлисон, 90 (пеналти) (3:1).

Дар  бозии  барои ишғоли зинаи  сеюм дастаҳои футболи мунтахаби  Аргентина ва Чили байни ҳам  рақобат  карданд. Вохӯрии дастаҳо дар шаҳри Сан-Паулуи Бразилия баргузор шуда, бо ҳисоби 2:1 ба фоидаи дастаи мунтахаби  Аргентина хотима ёфт.

Ҳанӯз дар дақиқаи 12-уми дидор Серхио Агуэро партофти  зебои Лионел Мессиро ба гол табдил дода, Аргентинаро ба пеш баровард. Баъд аз гузашти даҳ дақиқа Пауло Дибала имконияти аргентиниҳоро дучанд кард. Дар дақиқаи 37-уми рақобат Леонел Месси ба футболбози Чили — Гари Медел бархӯрд ва довари бозӣ ҳардуро мустақиман бо корти сурх муҷозот намуда, аз идомаи рақобат бенасиб кард.

Дар қисми дуюми вохӯрӣ довар ба дарвозаи Аргентина зарбаи пеналти таъйин кард. Голро Артуро Видал бе хато иҷро намуда, ҳисобро 2:1 кард. Ҳамин тавр бозӣ байни дастаҳо бо ҳисоби 2:1 ба нафъи дастаи  Аргентина хотима ёфт.

Бояд зикр кард, ки дастаи  мунтахаби Аргентина дар Ҷоми Амрико-2019 барандаи медали биринҷӣ гардид.

Июль 8, 2019 10:50

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад