Муҳаммадҷон Салимзода: «Дар шаш моҳи соли равон дар Тоҷикистон зиёда аз 620 ҳолати фавқулода ва ҳодисаҳои табиӣ ба қайд гирифта шуданд»
ДУШАНБЕ, 25.07.2019. /АМИТ «Ховар»/. Дар шаш моҳи соли равон дар Ҷумҳурии Тоҷикистон 624 ҳолати фавқулода ва ҳодисаҳои табиӣ ба қайд гирифта шуда, маблағи умумии хисороти ба аҳолӣ ва иқтисодиёти мамлакат расида зиёда аз 28 миллион сомониро ташкил медиҳад. Дар ин бора имрӯз муовини раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Муҳаммадҷон Салимзода зимни нишасти матбуотии ин ниҳод ба хабарнигорон иттилоъ дод.
Тавре мухбири АМИТ «Ховар» хабар медиҳад, зикр гардид, ки аз ин шумора дар 40 маврид зарари моддиву маънавӣ расидааст.
«Дар ин давра ҳангоми гузаронидани корҳои наҷотдиҳӣ аз ҷониби кормандони Кумита ҳаёти 70 нафар шаҳрвандон наҷот дода шуд», — афзуд номбурда.
Муҳаммадҷон Салимзода иброз дошт, ки корҳои наҷотдиҳӣ аз зери тарма, садамаҳои нақлиётӣ, сӯхтор, корҳои рӯиобӣ ва зериобӣ ва амалиёти гуногун анҷом пазируфта, ҳангоми бартарафкунии оқибатҳои тарма, дар шоҳроҳҳои «Душанбе-Хуҷанд» ва «Душанбе — Хоруғ» зиёда аз 320 нафар мусофирону ронандагони воситаҳои нақлиёт кӯчонида шуданд.
Зикр гардид, ки дар натиҷаи ҳолатҳои фавқулодаи табиӣ 135 хонаи истиқоматӣ зарар диданд.
«Ба хонаводаҳои зарардидаи ноҳияҳои Фархор, Панҷ, Вахш, Хуросони вилояти Хатлон, шаҳрҳои Конибодом ва Исфараи вилояти Суғд кумакҳо дар шакли маводи сохтмон, ғизоӣ, бастаҳои беҳдоштиву хоҷагӣ расонида шуданд», — изҳор намуд муовини раиси Кумита.
Ёдовар мешавем, ки яке аз самтҳои муҳими фаъолияти Кумитаи ҳолатҳои фавқулода ва мудофиаи гражданӣ ташкил ва роҳандозии корҳои садамавиву наҷот ба шумор меравад.
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
