Муҳаммадюсуф Имомзода: «Факултети муштараки Донишгоҳи миллии Тоҷикистон ва Донишгоҳи давлатии Беларусро қариб 30 нафар хатм намуданд»
ДУШАНБЕ, 11.07.2019. /АМИТ «Ховар»/. Имсол факултети муштараки Донишгоҳи миллии Тоҷикистон ва Донишгоҳи давлатии Беларусро қариб 30 нафар донишҷӯ хатм намуданд. Ин нуктаро Ректори Донишгоҳи миллии Тоҷикистон академик Муҳаммадюсуф Имомзода имрӯз, 11 июл зимни баргузории нишасти матбуотии ин муассисаи олии таълимӣ баён дошт.
Тавре мухбири АМИТ «Ховар» иттилоъ медиҳад, зикр гардид, ки заминаи таъсиси факултети мазкур 5 сол муқаддам, зимни сафари давлатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Беларус ва боздид аз Донишгоҳи давлатии Беларус ба миён омад.
«Натиҷаи ташаббуси Сарвари давлат ин буд, ки соли равон аввалин гурӯҳи донишҷӯён факултети мазкурро бо ихтисосҳои ҳаётан муҳим хатм намуданд», — илова намуд М. Имомзода.
Бояд зикр намуд, ки муносибатҳои ду мамлакат дар ҳама соҳаҳо аз ҷумла, дар самти илм ва маориф бо ташаббус ва ҳидоятҳои Сарони ду давлати ба ҳам дӯст Эмомалӣ Раҳмон ва Александр Лукашенко ба таври назаррас вусъат меёбанд.
«Дар факултети зикргардида донишҷӯён аз рӯи 8 ихтисос ба таҳсил фаро гирифта мешаванд. Барномаи таълимии он ба таври 2+2 бакалаврият аз ҷониби ҳарду донишгоҳ таҳия ва тасдиқ гардида, донишҷӯён 2 сол дар ДМТ ва 2 сол дар ДДБ таҳсил мекунанд»,- гуфта буд муовини аввали ректори ДМТ Тоир Хоҷаев чанде пеш дар суҳбат бо мухбири АМИТ «Ховар».
Ёдовар мешавем, ки муносибатҳои байналмилалии Донишгоҳи миллии Тоҷикистон комилан назаррас буда, ба гуфтаи Муҳаммадюсуф Имомзода, имрӯз мамлакатҳои гуногуни Осиё, Аврупо ва Америкаро фаро мегирад.
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
