Муовини Сарвазири Тоҷикистон Азим Иброҳим бо узви Ассамблеяи миллии Ҷумҳурии Корея Ким Тэ Сонг мулоқот намуд

Июль 17, 2019 14:30

ДУШАНБЕ, 17.07.2019. /АМИТ “Ховар”/. 16 июли соли 2019 муовини Сарвазири Ҷумҳурии Тоҷикистон Азим Иброҳим бо узви Ассамблеяи миллии Ҷумҳурии Корея Ким Тэ Сонг ва ҳайати вакилони Парлумони ин кишвар мулоқот анҷом дод.

Бо табодули афкор тарафҳо ҳамкории мутақобилан судмандро дар самтҳои муҳоҷирати меҳнатӣ, ташкил додани Форуми сармоягузории Тоҷикистон ва Корея, тавсеаи ҳамкорӣ байни доираи соҳибкорони ду кишвар, тақвияти ҳамкорӣ дар соҳаҳои энергетика, саноат, кишоварзӣ, авиатсия, илму маориф, тандурустӣ ва сайёҳӣ аз самтҳои афзалиятнок арзёбӣ намуданд.

Муовини Сарвазири мамлакат Азим Иброҳим ба имзо расонидани Созишномаи байниҳукуматии ду кишварро дар самти муҳоҷирати меҳнатӣ  махсус таъкид намуд.

Ҷониби Корея зикр намуд, ки бо назардошти вазъи бозори дохилӣ имзои санади мазкурро бо як зумра кишварҳо мавқуф гузоштааст ва бо Тоҷикистон дар ин самт ҳамкорӣ менамояд.

Аз ҷониби муовини Сарвазири мамлакат ба ҷониби Корея барои пешниҳоди бурсияҳо ва ҷалби мутахассисони ҷавон барои иштирок дар курсҳои омӯзишии  соҳаҳои мухталиф изҳори миннатдорӣ шуда, пешниҳод гардид, ки бо назардошти нақши фаъоли KOICA дар дастгирии лоиҳаҳои иҷтимоию иқтисодӣ таъсиси Намояндагии доимии KOICA дар Душанбе ба мақсад мувофиқ мебошад.

Ҷониби Корея изҳор дошт, ки барои таъсиси намояндагии KOICA дар Тоҷикистон бояд байни ду тараф Созишнома дар бораи волонтёрҳои Агентии Корея оид ба ҳамкории байналмилалӣ ба имзо расонида шавад ва ин санад барои таъсиси намояндагии KOICA заминаи мусоид фароҳам хоҳад овард.

Дар интиҳо муовини Сарвазири Тоҷикистон бо назардошти  Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019-2021 сайёҳони Кореяро ба Тоҷикистон даъват намуд, ки он аз ҷониби узви Ассамблея ва ҳайати парлумони Корея хуш пазируфта шуд.

Мулоқот дар фазои якдигарфаҳмӣ ва эҳтироми тарафайн анҷом ёфт.

Июль 17, 2019 14:30

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»