Ориф Хоҷазода: «Ба 224 ҳазору 625 нафар эҳтиёҷмандон замини наздиҳавлигӣ дода шуд»

Июль 19, 2019 13:50

ДУШАНБЕ, 19.07.2019 /АМИТ «Ховар»/. Имрӯз зимни нишасти матбуотӣ Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода ба хабарнигорон иттилоъ дод, ки бо қарори Ҳукумати Ҷумҳурии Тоҷикистон барои бо қитъаҳои замини наздиҳавлигӣ таъмин намудани эҳтиёҷмандон ба мақомоти иҷроияи ҳокимияти давлатии шаҳру ноҳияҳо 30 ҳазору 492 гектар замин ҷудо карда шудааст.  Аз  ин майдони умумӣ то 1 июни соли равон 22 ҳазору 917 гектар ба 224 ҳазору 625 нафар эҳтиёҷмандон дода шуд.

Ба гуфтаи Ориф Хоҷазода, «дар ҳолати аз тарафи  шаҳрванд дар тӯли 3 сол оғоз накардани сохтмон бояд қарордод бекор карда шавад. Вале, пеш аз ҳама, бояд  мутахассисон сабабҳои ба сохтмон оғоз накардани шаҳрвандонро омӯхта, сипас хулосаҳои худро бароранд ва таклифу пешниҳодҳои худро ба онҳо расонанд. Имрӯз  бояд мо барои  инфрасохтор шароит муҳайё созем, то шаҳрвандон дар минтақаи тақсимшуда сохтмон кунанд. Зеро  имрӯз ҳолатҳое мешаванд, ки шаҳрванд имконияти сохтмон кардан надорад ва ё ин ки инфрасохтор мавҷуд нест».

Ҳамчунин номбурда дар мавриди он ки ба сокинони шаҳри Душанбе замини наздиҳавлигӣ ҷудо мегардад  ё не, зикр  намуд, ки  тамоми сохтмонҳо дар асоси нақшаи кулли шаҳри Душанбе ба роҳ монда мешаванд. Кумита дигар дар ҳудуди шаҳр заминҳои наздиҳавлигӣ пешбинӣ  накарда, танҳо  барои бо манзили зист таъмин намудани шаҳрвандон   дар биноҳои баландошёна корбарӣ менамояд.

Июль 19, 2019 13:50

Хабарҳои дигари ин бахш

Долони мултимодалии «Тоҷикистон-Узбекистон-Туркманистон-Эрон-Туркия+Чин» дар эҳёи Роҳи Бузурги Абрешим ва ҳамгироии иқтисодии минтақавӣ нақши муассир мегузорад
Бонки миллии Тоҷикистон ба «Актив Бонк» барои анҷом додани амалиёти бонкӣ бо пули миллӣ ва асъори хориҷӣ иҷозатнома дод
Бо татбиқи «Лоиҳаи сармоягузорӣ ба бахши обтаъминкунӣ ва беҳдошти Тоҷикистон» 750 ҳазор нафар бо оби нӯшокӣ таъмин мегарданд
Вазири энергетика ва захираҳои об дар чорабинии «Ҳафтаи гузариш ба энергияи «сабз» дар Ҷопон иштирок намуд
Дар Душанбе ҷаласаи Шурои кории Тоҷикистон ва Беларус доир мешавад
Дар хоҷагиҳои деҳқонии ноҳияи Мастчоҳ ҷамъоварии пахта бомаром идома дорад
«ТИЛЛОИ САФЕД». Дар вилояти Хатлон беш аз 93 ҳазор тонна пахта ҷамъоварӣ шуд
Намояндаи Тоҷикистон дар машварати нахустини вазирони кишоварзии Осиёи Марказӣ – Чин иштирок намуд
Дар пойтахт Форуми байналмилалии сармоягузории «Душанбе-инвест 2023» баргузор мешавад
Дар Душанбе Намоишгоҳи байналмилалии «TajBUILD-2023» доир мегардад
Пахтакорони ноҳияи Спитамен тасмим гирифтаанд, ки 14 ҳазору 600 тонна пахта ҷамъоварӣ намоянд
Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд