Сокинони деҳаҳои Ширинчашма ва Полезаки ноҳияи Тоҷикобод бо оби тозаи ошомиданӣ таъмин гардиданд

Июль 20, 2019 15:05

ТОҶИКОБОД, 20.07.2019 /АМИТ «Ховар»/.  Дар Ҷамоати деҳоти Ширинчашмаи ноҳияи Тоҷикобод бо иштироки раиси ноҳия ва меҳмонон маросими мавриди истифода қарор додани хати оби нушокӣ ва хатнасури 15 нафар кӯдак аз оилаҳои камбизоат сурат гирифт. Дар ин бора  корманди ҳукумати ноҳияи Тоҷикобод Дилшод Амирбеков ба АМИТ «Ховар» иттилоъ дод.

Дар доираи Солҳои рушди деҳот, сайёҳӣ ва ҳунарҳои мардумӣ дар  ҳудуди ҷамоатҳои ноҳияи Тоҷикобод  корҳои созандагию бунёдкорӣ  авҷ гирифта, рӯз аз рӯз шароити зиндагии мардуми деҳот беҳтар мегардад. Аз ҷумла таъминоти аҳолӣ бо оби тозаи ошомиданӣ бо дарназардошти  зиёд гардидани аҳолӣ  дар ҷамоати мазкур яке аз мушкилоти  аввалиндараҷа дар ноҳия маҳсуб мегардид.

Имрӯзҳо бо ташаббуси Мақомоти иҷроия дар якҷоягӣ бо соҳибкорони муваффақ ин мушкилӣ то андозае ҳал гардида истодааст. Аз ҷумла, сокинони деҳаҳои Ширинчашма ва Полезак  солҳои охир аз норасоии оби ошомиданӣ танқисӣ доштанд.  Хати оби нӯшокӣ бо ташаббуси Мақомоти иҷроияи ҳокимияти давлатии ноҳия ва ҷалби соҳибкори маҳаллӣ, сокини деҳаи Ширинчашма Холмурод Мираков аз масофаи 6 км кашонида шуда, сокинони деҳаҳои Ширинчашма ва Полезак бо оби тозаи ошомиданӣ таъмин гардиданд. Лоиҳаи сохтмони хати оби нӯшокӣ 80 нуқтаро дар бар гирифта, барои 100 хоҷагӣ, яъне зиёда аз 600 нафар аҳолии деҳаҳои мазкур бо харҷи 135 ҳазор сомонӣ бунёд гардидааст.

Ҳамчунин дар маросими кушодашавии лоиҳаи  хати оби нӯшокӣ хатнасури 15 нафар кӯдакон аз оилаҳои камбизоат низ гузаронида шуд.

 

Июль 20, 2019 15:05

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд