ТАЪМИНИ АМНИЯТИ САЙЁҲОН – ДАР МАДДИ АВВАЛ! Дар Хоруғ давраи омӯзишии «Саёҳат ва офатҳои табиӣ» баргузор гардид

Июль 4, 2019 17:42

ХОРУҒ, 04.07.2019 /АМИТ «Ховар»/. Дар толори Ассотсиатсияи сайёҳӣ, экологию фарҳангии шаҳри Хоруғи Вилояти Мухтори Кӯҳистони Бадахшон барои кормандони ширкатҳои сайёҳӣ, соҳибкорон ва роҳбаладон дар мавзӯи «Саёҳат ва офатҳои табиӣ» давраи омӯзишӣ баргузор гардид.

Ба иттилои хабарнигори минтақавии АМИТ «Ховар», ин давраи омӯзишӣ бо ибтикори Кумитаи ҳолатҳои фавқулода ва мудофиаи граждании назди Ҳукумати ҷумҳурӣ, мақомоти иҷроияи ҳокимияти давлатии вилоят дар ҳамкорӣ бо Барномаи рушди Созмони Милали Муттаҳид ва Агентии Швейтсария оид ба рушд роҳандозӣ гардид.

Муовини раиси вилоят Умедҷон Носиров гуфт, ки «бо тағйир ёфтани иқлими сайёра   офатҳои табиӣ, бо шумули зилзила, селу тарма, обхезию лағзиши замин ва афтидани кӯҳпораҳо дар кунҷу канори дунё зиёд ба назар мерасанд. Бадахшон агарчӣ аз назари сайёҳон як гӯшаи зебову ҷолиб аст, аммо чун як минтақаи кӯҳистон дар баробари офатҳои табиӣ осебпазир аст. Обхезии моҳи июли соли 2015, ки бар асари он роҳи мошингарди Кӯлоб –Қалъаихум- Хоруғ- Мурғоб -Кулма муддати як моҳ баста шуд ва сайёҳони зиёди хориҷӣ маҷбур шуданд самти ҳаракати худро тағйир диҳанд, аз ин ҷумла аст. Кори муташаккилонаи сохторҳои давлатӣ ва бахши хусусӣ имконият фароҳам овард, ки сайёҳон аз роҳи бехатар саёҳати худро идома дода, сари вақт ба ватанашон баргарданд. Зилзилаи соли 1911 дар водии Бартанг ва ба вуҷуд омадани кӯли Сарез ҳамеша моро водор месозад, ки ба ҳар навъ офати табиӣ омода бошем. Аз ин рӯ Кумитаи ҳолатҳои фавқулода ва мудофиаи гражданӣ, Кумитаи рушди сайёҳӣ, Палатаи савдо ва саноати ҷумҳурӣ дар ҳамкорӣ бо барномаи рушди Созмони Милали Муттаҳид тасмим гирифтаанд, ки бо мақсади таъмини бехатарии сайёҳон як нақшаи мукаммали муштарак таҳия ва минбаъд мутобиқи он амал намоянд».

Раиси Ассотсиатсияи соҳибкорони вилоят Боймамад Алибхашов аз даъват кардани  соҳибкорон ба ин давраи омӯзишӣ изҳори сипос намуда, баён дошт, ки «ҳангоми сар задани ҳар гуна офатҳои табиӣ соҳибкорон ҳамеша дар канори сокинони маҳаллӣ ва сайёҳони ватанию хориҷӣ  ҳастанд. Онҳо ҳамзамон барои таҳияи нақшаи саёҳати бехатар рӯзҳои наздик фикру ақидаи худро ба Кумитаи ҳолатҳои фавқулодаи ҷумҳурӣ пешниҳод мекунанд».

Июль 4, 2019 17:42

Хабарҳои дигари ин бахш

СОЛИ МАЪРИФАТИ ҲУҚУҚӢ. Оид ба нақшии калидии ташаккули маърифати ҳуқуқии шаҳрвандон дар давлати ҳуқуқбунёд ҳамоиш доир гардид
БА ТАЪСИСИ РӮЗИ ҶАВОНОНИ ТОҶИКИСТОН 27 СОЛ ПУР ШУД. Назарпурсӣ оид ба фаъолияти ҷавонон дар ҷавоб ба дастгириҳои Президенти Тоҷикистон ва Ҳукумати мамлакат
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд»
Ҷавонони тоҷик дар моварои ҳаводиси сайёра ва таҳмили ғояҳои экстремистӣ бояд ҳамеша ҳушёр бошанд. Эҳдо ба Рӯзи ҷавонони Тоҷикистон
Дар Душанбе бо мақсади рушди сайёҳӣ, ҳунарҳои мардумӣ ва тақвияти корҳои ободонӣ ҷаласа доир шуд
Соҳили Сирдарё ба мавзеи истироҳатӣ табдил дода мешавад
«ҲИФЗИ САЛОМАТИИ ҶОМЕА-МАРОМИ МО». Бахшида ба Рӯзи ҷавонони Тоҷикистон ҳамоиши табибони ҷавон баргузор шуд
Муовини Сарвазири Тоҷикистон Сулаймон Зиёзода бо мавзеи офати табиӣ дар деҳаи Яхаки ноҳияи Нуробод ва минтақаи Сари Ҷар-Сангвор шинос шуд
Имрӯз нахустин хатсайри Душанбе-Тифлис ифтитоҳ гардид
Ҳайатҳои Парлумон ва Ҳукумати Тоҷикистон ба роҳбарият ва мардуми Эрон изҳори тасаллият ва ҳамдардӣ намуданд
«САЙРИ ДУШАНБЕ». Дар пойтахти Тоҷикистон 4 хатсайри нави сайёҳии дохилишаҳрӣ ифтитоҳ мегардад
МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд