ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Душанбе беморхонаи сироятии кӯдакона ба истифода дода мешавад
ДУШАНБЕ, 19.08.2019 /АМИТ «Ховар»/. Дар 3 соли оянда дар пойтахти Ҷумҳурии Тоҷикистон-шаҳри Душанбе 22 муассисаи тандурустӣ бунёд мешавад, ки аз онҳо сохтмони 9 муассиса дар қаламрави ноҳияи Фирдавсӣ ба нақша гирифта шудааст.
Тавре аз мақомоти иҷроияи ҳокимияти давлатии ноҳияи Фирдавсӣ ба хабарнигори АМИТ «Ховар» иттилоъ доданд, дар рӯзҳои таҷлили 28-умин солгарди Истиқлолияти давлатӣ дар шафати Маҷмааи бузурги тандурустии «Истиқлол» Беморхонаи сироятии кӯдакона қомат меафрозад.
Ба иттилои манбаъ, бинои беморхона аз 6 ошёна ва таҳхона иборат буда, барои 200 кати хоб пешбинӣ шудааст. Дар беморхона ба ғайр аз ҳуҷраҳои беморон, инчунин ҳуҷраи нигоҳубини беморони вазнин, ҳуҷраи ёрии таъҷилии тиббӣ, ҳуҷраҳо барои духтурон ва ҳамшираҳо ва толори маҷлисгоҳ барои 68 ҷойи нишаст мавҷуданд.
Фармоишгари иншоот Раёсати сохтмони асосии шаҳри Душанбе буда, пудратчӣ ҶДММ «Ҳамсафар» аст. Масоҳати умумии сохтмон 6146 м2 –ро ташкил дода, барои бунёди он 13 685 700 сомонӣ ҷудо гардидааст.
Дар корҳои сохтмонӣ 94 нафар кормандону мутахассисони маҳаллӣ ба кор ҷалб шудаанд. Ҳангоми бунёди иншоот масолеҳи сифати баланди истеҳсоли ватанӣ истифода шудааст.
Муҳайё гардидани чунин шароити замонавӣ дар маркази мамлакат рушди соҳаи тандурустӣ ва таваҷҷуҳи Ҳукумати ҷумҳурӣ ба солимии ҷомеаро нишон медиҳад.
Дар 4 ноҳияи шаҳри Душанбе намоиш-фурӯши маҳсулоти мавриди ниёзи аввал ташкил карда мешавад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни занону духтарон ҷамъбаст шуд
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
