Дар ҶДММ «Бозори Корвон» мулоқоти роҳбарияти «Тоҷикстандарт» бо соҳибкорону фурўшандагон баргузор гардид

Август 27, 2019 16:40

ДУШАНБЕ, 27.08.2019. /АМИТ «Ховар»/. Дар доираи дастгирии соҳибкорӣ, бо мақсади баланд бардоштани маърифати ҳуқуқии соҳибкорон, тақвият додани ҳамкорӣ, риояи қоидаҳои савдо ва пешгирии воридоти маҳсулоти пастсифат ба бозори истеъмолӣ  27 август дар ҶДММ «Бозори Корвон» мулоқоти  роҳбарият ва масъулони Агентии «Тоҷикстандарт» бо соҳибкорону фурўшандагони  бозори мазкур доир гардид.

Дар ҳамоиш роҳбарияти Агентии «Тоҷикстандарт» оид ба саҳми арзишманд доштани соҳибкорон дар пешрафти иқтисоди ҷумҳурӣ, дастгирии доимии ташаббусҳои созандаи соҳибкорон аз тарафи Ҳукумати Ҷумҳурии Тоҷикистон ва барои амалӣ гардидани онҳо муҳайё будани ҳамаи имкониятҳоро таъкид намуда, сипас оид ба масъалаҳои риояи қоидаҳои савдо, бо либоси ягонаи корӣ пурра таъмин будани фурўшандагони нуқтаҳои савдо, истифодаи тамғаҳои молии дигар ширкатҳо, бе сертификати мутобиқат ба савдо баровардани маҳсулот, одоби муошират бо истеъмолкунандагон, дар даромадгоҳҳо, роҳравҳо ва ҷойҳое, ки барои савдо муқаррар нашудааст, ба савдо машғул нашудан, таъмин нагаштани иҷрои талаботи Стандарти давлатии «Хизматрасонӣ дар бозор» ва амсоли ин изҳори назар намуданд.

Дар самти риоя нашудани қоидаҳои савдо ва ба муомилот баровардани маҳсулоти пастсифат, ки аксаран аз хориҷи мамлакат ворид мешаванд, аз ҷумла зикр гардид, ки албатта, ҷарима кардану ба ҷавобгарӣ кашидан роҳи ҳалли ин масъалаҳо нест. Мо бояд пеш аз ҳама, масъулиятшиносу боинсоф бошему талаботи савдоро риоя намоем ва дар охир манфиати шахсии худро аз манфиати ҷомеа болотар нагузорем.

Ҳамзамон таъкид гардид, ки барои пешрафти Ватанамон ҳар яки мо бояд саҳмгузор бошему дар партави сиёсати созандаю хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дасту дили пок ва ҳисси баланди ватандӯстӣ  фаъолият намоем.

Зимни мулоқот бо соҳибкорон оид ба мушкилоти дар фаъолият ҷойдошта, тақвият додани ҳамкорӣ бо мақомот, ҳимояи ҳуқуқи истеъмолкунандагон, ҳифзи бозори истеъмолӣ, муносибати нозирони давлатӣ ва ислоҳи камбудиҳои ҷойдошта суҳбати ошкоро доир гардида, соҳибкорон ба саволҳои худ посухҳои мушаххас гирифтанд.

Иқдоми мазкур барои ба низом даровардани вазъи бозору нуқтаҳои савдо, таъмини ҳимояи ҳуқуқи истеъмолкунандагон ва тоза нигоҳ доштани бозори истеъмолӣ мусоидат менамояд.

Август 27, 2019 16:40

Хабарҳои дигари ин бахш

Комиссияи Аврупо талаботро барои интиқолдиҳандагони хориҷӣ сахттар намуд
Соли 2025 дар Тоҷикистон ба ҳар гектар замин 7,3 ҳазор метри мукааб об расонида шуд
Соли 2025 аз Тоҷикистон беш аз 30 ҳазор тонна зардолуи хушк содирот карда шуд
Хадамоти алоқа: Соли 2025 ҳаҷми хизматрасонии почта дар Тоҷикистон беш аз 18 миллион сомониро ташкил дод
Соли 2025 ташаббусҳои глобалии Тоҷикистон дар соҳаи об ва ҳифзи пиряхҳо ба таври густурда муаррифӣ шуданд
Соли 2025 аз Тоҷикистон ба Русия ба маблағи 3,4 миллион доллар ангури тар ва хушк содирот гардид
Дар Донишгоҳи давлатии молия ва иқтисоди Тоҷикистон Шурои диссертатсионии нав таъсис ёфт
САДА — ҶАШНЕ ТАВЪАМ БО КАЙҲОНУ СОЛШУМОРӢ ВА КИШТУ КИШОВАРЗӢ. Дар Душанбе онро бо шаҳомати хосса таҷлил намуданд
Вазири энергетика ва захираҳои оби Тоҷикистон: «Истихроҷи нафт дар мамлакат афзоиш ёфтааст»
Лоиҳаи Қонуни Ҷумҳурии Тоҷикистон «Дар бораи дастгирии содирот» таҳия карда шуд
Аз Тоҷикистон беш аз 190 ҳазор тонна маҳсулоти кишоварзӣ содирот гардид
НИШАСТИ МАТБУОТӢ. Соли 2025 аз Тоҷикистон ба 64 давлати ҷаҳон молу маҳсулот содирот гардид