ҲХДТ ҳамчун неруи тавонои пешбар дар ташаккул ва татбиқи арзишҳои миллӣ нақши муассир дорад

Август 30, 2019 15:00

ДУШАНБЕ, 30.08.2019./АМИТ «Ховар»/. «Нақши Ҳизби Халқии Демократии Тоҷикистон дар таҳкими Истиқлолияти давлатӣ»-таҳти чунин унвон  бахшида ба 28 – умин солгарди Рўзи Истиқлолияти давлатии Ҷумҳурии Тоҷикистон имрӯз дар шаҳри Душанбе конференсияи илмӣ — назариявӣ доир гардид.

Дар кори он мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода, Раиси Кумитаи иҷроияи ҲХДТ дар шаҳри Душанбе Зоир Раҳмонзода, мудири шуъбаи таблиғот ва таҳлилии  дастгоҳи  Кумитаи  Иҷроияи Марказии ҲХДТ Маҳмадулло Наимов, Раиси Кумитаи иҷроияи ҲХДТ дар ноҳияи Шоҳмансур Зулфиқор Гулаҳмадзода, дотсенти кафедраи равандҳои сиёсии Донишгоҳи миллии Тоҷикистон Хуҷамурод Сафарализода ва кормандони кумитаву ташкилотҳои ибтидоии ҳизбии ноҳияи Шоҳмансур иштирок намуданд.

Раиси Кумитаи иҷроияи ҲХДТ дар ноҳияи Шоҳмансур З. Гулаҳмадзода ҳамоишро ифтитоҳ бахшид.

Сипас, мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода оид ба дастовардҳои даврони соҳибистиқлолии мамлакат сухан карда,  ёдовар шуд, ки «дар даврони 28 соли соҳибистиқлолӣ раванди ислоҳоти иқтисодӣ, иҷтимоӣ ва фарҳангии мамлакат густариш ёфта, рушди босуръати иқтисоди миллӣ ба амал омад. Ҳамзамон сатҳи зиндагии мардум хеле беҳтар гардид, ки ин аз шарофати Истиқлолияти сартосарӣ ва оромии кишвари азизамон гувоҳӣ медиҳад».

Раиси Кумитаи иҷроияи ҲХДТ дар шаҳри Душанбе Зоир Раҳмонзода дар мавзўи «Нақши ҲХДТ дар таҳкими Истиқлолияти давлатӣ» зикр кард, ки бо таваҷҷуҳ ба бунёди давлати демокративу ҳуқуқбунёд имрўз бо сароҳат метавон афзуд, ки Ҳизби Халқии Демократии Тоҷикистон тавассути ҳидоятҳои ибратомўзи Сарвари соҳибфитрату накўсиришташ  муҳтарам Эмомалӣ Раҳмон ҳамчун неруи тавонои пешбар дар ташаккул ва татбиқи арзишҳои миллӣ нақши муассиру мондагор дорад.

«Воқеан ҳам, тавассути Истиқлолияти давлатӣ Ҷумҳурии Тоҷикистон соҳиби арзишҳои ноби миллӣ гардида, мутобиқи Конститутсия роҳи бунёди ҷомеаи демократиро интихоб намуд. ҲХДТ ҳамчун зодаи даврони истиқлолият дар татбиқи сиёсати Ҳукумати Ҷумҳурии Тоҷикистон ва таблиғу ташвиқи дастовардҳои он нақши муассир дорад. ҲХДТ дар заминаи ташаккули ҷомеаи шаҳрвандӣ ва муттаҳидсозии ҳамдигар, тақвияти соҳаҳои муҳими хоҷагии халқро ба инобат гирифта, вобаста ба талабу тақозои ҷаҳони муосир муҳимтарин нақшаву барнома ва стратегияҳои миллии ояндадорро рўйи даст гирифтааст»,-гуфт номбурда.

Дар конференсия Р. Наимов ва Х.Сафарилозод дар мавзӯъҳои «Истиқлолият – дастоварди беназири миллат», «Истиқлолияти давлатӣ – бақои давлату миллат ва такягоҳи устувори ҷомеа» маърўза намуданд.

Зикр шуд, ки ҳизбиёни пойтахтро зарур аст, ки бо мақсади дар сатҳи зарурӣ доир гардидани ҷашни 30- солагии Истиқлолияти давлатии Ҷумҳурии Тоҷикистон, тарғиби васеи моҳияти ин санаи нодир ва соҳибватаниву соҳибдавлатӣ тадбирҳои зиёде ба иҷро расонида, раванди корҳои созандагиву бунёдкориро боз ҳам вусъати тоза бахшанд.

Август 30, 2019 15:00

Хабарҳои дигари ин бахш

Президенти Тоҷикистон аз тағйирёбии босуръати иқлим ва оқибатҳои ногувори он изҳори нигаронӣ намуданд
ИСТИҚЛОЛИЯТ-ШИНОСНОМАИ БАЙНАЛМИЛАЛИИ ТОҶИКОН. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба истиқлолият
Эмомалӣ Раҳмон: «Ормону орзуи ҳар шахс танҳо дар сурати побарҷо будани сулҳу суботи ҷомеаву давлат ва ваҳдати миллӣ амалӣ гардида метавонад»
ЭМОМАЛӢ РАҲМОН ВА ТАҲКИМИ ИСТИҚЛОЛИ ТОҶИКИСТОН. Эҳдо ба 33-солагии Истиқлолияти давлатии Ҷумҳурии Тоҷикистон
Президенти Тоҷикистон: «Шабакаи алоҳидаи телевизионии таълими забонҳои хориҷӣ таъсис дода шавад»
ПРЕЗИДЕНТИ ТОҶИКИСТОН САРПАРАСТИ БОЗ ЯК ОЗМУНИ ҶУМҲУРИЯВӢ. Озмуни «Беҳтарин китоби илмӣ, мақолаи илмӣ ва мақолаи илмию оммавӣ» дар соли 2024 баргузор карда мешавад
«ДАҲСОЛАИ АМАЛ БАРОИ ИЛМҲОИ КРИОСФЕРА, СОЛҲОИ 2025-2034»: Талоши созанда барои ҷаҳонӣ гардонидани илмҳои қутбшиносӣ ва яхшиносӣ
ТАНҲО МУТОБИҚШАВӢ БА ИҚЛИМ КОФӢ НЕСТ. Гармои тӯлонӣ ва шадид зарурати амалҳои фавриро дар мубориза бо тағйирёбии иқлим таъкид менамояд
33 СОЛИ ПУРСАМАРИ ИСТИҚЛОЛИЯТИ ДАВЛАТӢ. Президенти Тоҷикистон Эмомалӣ Раҳмон: «Дар роҳи ватансозӣ мисли ангуштони як мушт сарҷамъу муттаҳид бошем!»
ИСТИҚЛОЛ ВА ШИНОХТИ АСОЛАТИ МИЛЛӢ. Андешаҳои Ректори Донишгоҳи давлатии Хоруғ Амид Комилбек дар ин маврид
Президенти Тоҷикистон ҳушдор доданд: «Эҳтимолан чанд соли оянда мо шоҳиди боз дигар рақамҳои рекордии вобаста ба баландшавии ҳарорати ҳаво гардем»
БА ТАЪСИСИ «РОҲИ ОҲАНИ ТОҶИКИСТОН» 30 СОЛ ПУР ШУД. 72 фоизи боркашонӣ дар мамлакат тавассути роҳи оҳан амалӣ мегардад