ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар ду деҳаи дурдасти ноҳияи Мастчоҳ муассисаҳои таълимӣ бунёд шуданд

Сентябрь 20, 2019 10:21

ДУШАНБЕ, 20.09.2019. /АМИТ «Ховар»/. Дар рӯзҳои таҷлили 28-умин солагарди Истиқлолияти давлатии Ҷумҳурии Тоҷикистон дар ду деҳаи дурдасти ноҳияи Мастчоҳ муассисаҳои таҳсилоти миёнаи умумӣ мавриди истифода қарор гирифтанд.

Аз ҷумла, дар деҳаи дурдасти Сангчашмаи Ҷамоати деҳоти Навбаҳори ноҳияи Мастчоҳ мактаби замонавӣ барои 240 ҷойи нишаст дар ду баст мавриди баҳрабардорӣ қарор гирифт. Ин боргоҳи маърифат, ки муассисаи таҳсилоти миёнаи умумии №19 мебошад, дар муддати кӯтоҳ аз ҳисоби маблағҳои буҷети ноҳия бо харҷи 800 ҳазор сомонӣ сохта шуд.

Ҳамчунин дар деҳаи дурдасти Ҷамоати деҳоти Навбаҳори ноҳияи Мастчоҳ бинои мактаби замонавӣ – филиали муассисаи таҳсилоти миёнаи умумии №5 мавриди истифода қарор гирифт. Бинои муассисаи таълимии №5 дар деҳаи Файзобод ба ҷойи бинои қаблии садамавӣ дар муддати кӯтоҳ бо харҷи беш аз 700 000 сомонӣ ба истифода дода шуд.

Дар маросими ба истифодадиҳии муаассисаҳои нави таълимӣ раиси ноҳияи Мастчоҳ Ғайрат Азиззода ва роҳбари гурӯҳи корӣ оид ба таҷлили ҷашни 30-солагии Истиқлолияти давлатии Ҷумҳурии Тоҷикистон дар ноҳияи мазкур, сардори Саридораи геологияи назди Ҳукумати Ҷумҳурии Тоҷикистон Илҳомҷон Оймаҳмадзода иштирок намуданд.

Роҳбари гурӯҳи корӣ Илҳомҷон Оймаҳмадзода омӯзгорон ва хонандагонро аз номи Ҳукумати Ҷумҳурии Тоҷикистон бо ҷашни 28 – солагии Истиқлолияти давлатӣ табрик намуда, ба  тарбиятгирандагон хониши хубу аъло таманно намуд.

Таъкид карда шуд, ки баланд бардоштани сатҳу сифати таҳсил, ба навовариву ихтироъкорӣ, омӯзиши илмҳои дақиқ ва забономӯзӣ ҳидоят намудани хонандагон, дар рӯҳияи ватандӯстиву ифтихори миллӣ ва арзишҳои умумибашарӣ тарбия намудани насли имрӯзу ояндаи миллат вазифаи аввалиндараҷа ба ҳисоб рафта, мавриди баҳрбардорӣ қарор гирифтани биноҳои нави муассисаи таълимӣ гувоҳи ғамхорию пуштибониҳои Асосгузори сулҳу ваҳдати миллӣ–Пешвои миллат, Президенти мамлакат  муҳтарам Эмомалӣ Раҳмон нисбат ба соҳаи мактабу маориф мебошад.

Дар навбати худ роҳбарият ва омӯзгорону хонандагони муассисаҳои нави таҳсилоти миёнаи умумӣ ба Ҳукумати мамлакат барои чунин ғамхорӣ, яъне бунёди мактабҳои замонавӣ изҳори сипос намуданд.

Мавриди зикр аст, ки Ҳукумати Ҷумҳурии Тоҷикистон барои рушди соҳаи маориф имкониятҳои мавҷударо самаранок истифода намуда, маблағгузории соҳаро ҳамасола ба таври назаррас афзоиш медиҳад.

Дар ин радиф, таваҷҷуҳи Мақомоти иҷроияи ҳокимияти давлатии вилояти Суғд низ ба соҳаи маориф хосса мебошад. Соли равон маблағгузории соҳаи мазкур аз 793 миллиони соли 2018 ба 938 миллион сомонӣ расонида шуд, ки нисбат ба соли гузашта 18,3 фоиз зиёд мебошад.

Сентябрь 20, 2019 10:21

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
Сарвари давлат Эмомалӣ Раҳмон дар шаҳри Хоруғ пули мошингузарро мавриди баҳрабардорӣ қарор доданд
Пешвои миллат Эмомалӣ Раҳмон бинои маъмурии Мақомоти иҷроияи ҳокимияти давлатии шаҳри Хоруғро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 3,7 км роҳ, 550 метр долони зидди тарма ва пули мошингузарро дар деҳаи Барсеми ноҳияи Шуғнон ба истифода доданд
Сарвари давлат Эмомалӣ Раҳмон дар шаҳри Хоруғ бино ва озмоишгоҳи Муассисаи давлатии нигаҳдории роҳҳои мошингарди Вилояти Мухтори Кӯҳистони Бадахшонро ифтитоҳ намуданд
Cуханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони ноҳияи Шуғнон