Дар Ҷамоати деҳоти Аличури ноҳияи Мурғоб меҳмонхонаи замонавӣ қомат афрохт

Сентябрь 30, 2019 16:41

ХОРУҒ, 30.09.2019. /АМИТ «Ховар»/.  Дар Ҷамоати деҳоти Аличури ноҳияи Мурғоб боз як меҳмонхонаи дуошёнаи замонавӣ мавриди баҳрабардорӣ қарор дода шуд. Соҳибкори маҳаллӣ Распай Асадманбеков  гуфт, ки «Ҳукумати Ҷумҳурии Тоҷикистон дар чанд соли охир ба рушди деҳот аҳамияти хосса медиҳад ва барои беҳтар намудани инфрасохтори деҳот кумаки амалӣ мерасонад. Барои таҳияи ҳуҷҷатҳо ҷиҳати сохтмони ин  меҳмонхона каме бештар аз як ҳафта сарф кардам. Ҳама медонанд, ки ноҳияи мо аз маркази вилояту пойтахти ҷумҳурӣ дар масофаи дур ҷойгир аст ва дар интиқол додани масолеҳи бинокорӣ, бахусус дар фасли боронгарӣ бо мушкилот рӯ ба рӯ мешаванд. Мақомоти иҷроияи ҳокимияти давлатии ноҳияи Мурғоб низ ин мушкилро эҳсос мекунад ва ба қадри имкон соҳибкоронро дастгирӣ менамояд».

Сардори Раёсати рушди иқтисоди вилоят Латиф Шоҳзодаев гуфт, ки «ҷамоати Аличур дарвозаи ноҳияи Мурғоб ба ҳисоб меравад ва меҳмонони ватанию сайёҳони хориҷӣ пас аз тай кардани роҳи тӯлонӣ маҳз дар ҳамин ҷамоат дам мегиранд. Барои пазироии меҳмонон дар ин ҷо зиёда аз 10 меҳмонхонаҳои хурд, ҳам дар шакли  хаймаи қирғизӣ ва ҳам хонаи урфии бадахшонӣ вуҷуд доранд, аммо сол аз сол  таваҷҷуҳи меҳмонону сайёҳони хориҷӣ ба ин ноҳияи баландкӯҳ бештар мегардад. Ин соҳибкорони маҳаллиро водор сохт, ки шумораи марказҳои хизматрасониро афзоиш диҳанд. Масъулини Мақомоти иҷроияи ҳокимияти давлатии ноҳия низ муваззаф ҳастанд, ки ҳар иқдоми соҳибкорони маҳаллиро ҳаматарафа дастгирӣ намоянд.  Меҳмонхонаи мазкур аз дуошёна иборат буда, дорои ошхона, сарои мошин, шабакаи интернет ва дигар хизматрасониҳои муосир мебошад».

Ноҳияи Мурғоб дар баландии 3,5 ҳазор метр аз сатҳи баҳр ҷойгир буда, яке аз нодиртарин маконҳои дидании Тоҷикистон ба шумор меравад. Камбуди шадиди оксиген яке аз хосиятҳои асосии ин ноҳия буда, меҳмонону сайёҳон барои сафар аз қабл омодагии комил мебинанд. Ҳайвоноти нодир, ба монанди гӯсфанди Марко Поло ва озодапаланг низ маҳз дар ҳамин ноҳия сукунат доранд.

 

 

Сентябрь 30, 2019 16:41

Хабарҳои дигари ин бахш

Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд
ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид
Дар Узбекистон Форуми минтақавии нозирони давлатии меҳнати кишварҳои Осиёи Марказӣ ва Русия доир мешавад
Сайди моҳӣ дар Тоҷикистон дар шаш моҳ 1145,3 тоннаро ташкил дод
Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
Дар Суғд фаъолияти муштараки доираҳои тиҷоративу соҳибкории Тоҷикистон ва Ҷопон баррасӣ гардид
Дар шаҳри Левакант Маркази иттилоотии сайёҳӣ фаъол гардонида шуд
Кишоварзони шаҳри Ваҳдат дар майдони 6480 гектар кишти такрорӣ гузарониданд
ТАБИАТ ҶОН БА ИНСОН БАХШАД ИН ҶО. Дар фасли сайру саёҳат ва истироҳату фароғат истироҳатгоҳҳои Тоҷикистон интизори муштариён ва дӯстдорони табиатанд
Азим Иброҳим, Вазири нақлиёт: Тоҷикистон ба кишвари транзитӣ табдил меёбад

Маводҳои таҳлилӣ