Дар Душанбе китоби «Сангнавиштаҳои олимони Самарқанд (X-XIV)» муаррифӣ гардид

Сентябрь 14, 2019 09:24

ДУШАНБЕ, 14.09.2019 /АМИТ «Ховар»/. Дирӯз дар Осорхонаи миллии бостонии Академияи илмҳои Ҷумҳурии Тоҷикистон (АИ ҶТ) бо иштироки намояндагони сафоратхонаҳои Туркия, Қазоқистон, Ӯзбекистон дар Ҷумҳурии Тоҷикистон таҳти унвони «Масоили мубрами омӯзиши таърих, санъат  ва фарҳанг дар Тоҷикистон» ва муаррифии китоби «Сангнавиштаҳои олимони Самарқанд (X-XIV)» ҳамоиши сатҳи байналмилалӣ баргузор гардид.  

Муаллифони китоби мазкур Лола Додхудоева (Тоҷикистон), А.К Муминов (Қазоқистон), Б.М Бобоҷонов (Ӯзбекистон), У.Рудолф (Швейтсария) мебошанд.

Узви вобаста, ноиби президенти АИ ҶТ  Абдураҳмон Муҳаммад баён дошт, ки «муаррифии ин китоб воқеан як ҳамкории хеле муҳим дар соҳаи таърих ва миёни олимони тоҷик бо дигар давлатҳо мебошад. Ман умед дорам, ки сангнавиштаҳои олимони тоҷик ҳам шояд замоне ҳамин гуна китоб шаванду ифтихори тамоми олимону муҳаққиқон ва Тоҷикистону ҷаҳон  гарданд».

Китоби мазкур бо дастгирии Ташкилоти байналмилалии ИРСИКА, ки яке аз ташкилотҳои бонуфуз дар ҷаҳон маҳсуб меёбад, рӯйи чоп омад.

Бояд гуфт, ки ташкилоти мазкур на танҳо дар кишварҳои Осиёи Марказӣ, балки дар тамоми дунё дар робита ба муаррифӣ намудани тамаддуни исломӣ  нақши муҳим мегузорад.

«Минатдории худро ба тамоми ташкилкунандагони ин ҳамоиши басо муҳим мерасонам, зеро ин гуна ҷамъомадҳо муносибат ва робитаҳои олимон ва муҳаққиқони давлатҳоро  мустаҳкам менамоянд. Бояд гуфт, ки ин гуна ҳамоишҳо агар имрӯз натавонанд, фардо, албатта, натиҷаи худро дар зиндагии мардум мегузоранд», — иброз дошт зимни суханронӣ профессор, директори генералии Маркази байналмилалии омӯзиши таърих, санъат ва фарҳанги исломӣ (МБОТСФ) дар назди Созмони ҳамкории исломӣ  (СҲИ) Холит Эрен.

 

Сентябрь 14, 2019 09:24

Хабарҳои дигари ин бахш

«ЗАБОНИ САЪДИЮ ҲОФИЗ, ЗАБОНИ РӮДАКӢ ҲАСТӢ…». Ба нобиғаҳои адабиёт арҷ гузорем, ки дар нигоҳдории забони тоҷикӣ нақши муҳим доранд
«ЗАБОНИ МИЛЛАТ-ҲАСТИИ МИЛЛАТ». Китоби Президенти Тоҷикистон ба забонҳои маъруфи ҷаҳон-русӣ, англисӣ ва чинӣ тарҷума гардид
«АЗ ҚАСРИ АРБОБ ТО МАЙДОНИ ИСТИҚЛОЛ». Шумораи идонаи рӯзномаи «Ҷумҳурият» дар ҳаҷми 70 саҳифа нашр шуд
ЗАБОНИ ТОҶИКӢ-ЗАБОНИ СИЁСАТУ ҚОНУНГУЗОРӢ ВА КОРГУЗОРИВУ МУОШИРАТ. Ба ифтихори он дар Хадамоти гумрук маҷлиси тантанавӣ доир шуд
Нақши Пешвои миллат дар рушду густариши забони тоҷикӣ ба ҳайси забони давлатӣ беназир аст
Дар Теҳрон Рӯзҳои фарҳанги Тоҷикистон дар Эрон ифтитоҳ гардиданд
Дар Хадамоти иҷро ба муносибати Рӯзи забони давлатӣ ҳамоиш доир гардид
«ЗАБОН ВА ИСТИҚЛОЛ». Таҳти чунин унвон Конференсияи илмию амалии ҷумҳуриявӣ доир шуд
Сафири Тоҷикистон дар Россия бо донишҷӯёни тоҷик ва аъзои Шӯрои ҷамъиятии назди сафорат мулоқот намуд
Доир ба рушди забони давлатӣ дар солҳои соҳибистиқлолии Тоҷикистон конференсияи илмӣ барпо шуд
«…Забони тоҷикӣ-каломи Рӯдакиву Фирдавсӣ, Саъдиву Ҳофиз…,- бардошт аз конфронси ҲХДТ дар Осорхонаи миллии Тоҷикистон
ЭҲДО БА РЎЗИ ЗАБОНИ ДАВЛАТӢ. Азамату ҷалоли Оли Сомон ва давлати Сомониён маҳз аз баракати забони тоҷикӣ буд