Дар Хоруғ Намоишгоҳи ҷумҳуриявии дастовардҳои соҳаи меъморию шаҳрсозӣ ба поён расид
ХОРУҒ, 23.09.2019. /АМИТ «Ховар»/. Намоишгоҳи ҷумҳуриявии дастовардҳои соҳаи меъморӣ, шаҳрсозӣ, масолеҳи сохтмонии ватании воридотивазкунанда ва нақши ҳунарҳои мардумӣ дар муаррифии меъмории миллӣ дар шаҳри Хоруғ бо имзои шартномаҳо ва тақдими ифтихорномаҳо ба поён расид. Намоишгоҳ бо ибтикори Кумитаи меъморӣ ва сохтмони назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии Вилояти Мухтори Кўҳистони Бадахшон роҳандозӣ гардида, дар он беш аз 50 ширкати ватанӣ маҳсулоти худро ба намоиш гузоштанд.
Ҳадафи баргузор намудани намоишгоҳ- ин, пеш аз ҳама, аз рушди минбаъдаи соҳаи сохтмон ва меъмории ҷумҳурӣ, ҷалби сармояи хориҷӣ, густариш додани фаъолияти меъморӣ, лоиҳакашӣ, шаҳрсозӣ ва сохтмон дар шаҳру ноҳияҳо бо истифода аз сарчашмаҳои таърихии санъати меъмории ниёгон, мубодилаи таҷриба, истеҳсоли масолеҳи сохтмонии воридотивазкунанда, бунёди инфросохтори сайёҳӣ ва рушди ҳунарҳои мардумӣ иборат буд.
Чунин ҳамоиш ва намоиши мазкур дар шаҳру ноҳияҳои мухталифи ҷумҳурӣ баргузор гардида, меъморонро ба густариши табодули таҷриба ва офаридани лоиҳаҳои замонавӣ ҳидоят месозад. Дар ҳар гўшаи намоишгоҳ беш аз 50 ташкилоти лоиҳакашӣ ширкат намуда, дастовези дар замони истиқлолият офаридаи худро ба намоиш гузоштанд. Аксарияти лоиҳаҳои меъморон дар шаҳру ноҳияҳои ҷумҳурӣ маҳз дар замони соҳибистиқлолӣ дар амал татбиқ гардонда шуданд.
Лоиҳакашону меъморон ва сохтмончиён аз баргузории чунин намоишгоҳи ҷумҳуриявӣ миннатдории худро ба Ҳукумати Ҷумҳурии Тоҷикистон баён карда, онро майдони хубе барои сайқали такомули санъати меъмории миллӣ медонанд. Дар намоишгоҳ 35 ташкилоти лоиҳакаш, 20 ташкилоти истеҳсоли масолеҳи сохтмонӣ ва 10 нафар ҳунармандони ватанӣ аз гўшаю канори мамлакат бо маҳсулоти худ ширкат доштанд. Дар рўзи дуюми намоишгоҳи ҷумҳуриявӣ баъди натиҷагирӣ иштирокчиёни фаъоли он аз ҷониби масъулини Кумитаи меъморӣ ва сохтмони назди Ҳукумати Ҷумҳурии Тоҷикистон бо сипосномаю ифтихорномаҳо қадрдонӣ шуданд.
Ташкилкунандагон изҳор доштанд, ки соли оянда чунин намоиш дар водии Рашт баргузор мегардад.
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
