НАҚШИ НАҚЛИЁТ ВА ИНФРАСОХТОРИ ОН ДАР РУШДИ СОҲАИ САЙЁҲӢ. Мавзӯи мазкур имрӯз дар Конфронси ҷумҳуриявии илмӣ-амалӣ баррасӣ гардид

Сентябрь 27, 2019 18:31

ДУШАНБЕ, 27.09.2019. /АМИТ «Ховар»/. Имрӯз дар шаҳри Душанбе бо ташаббуси Кумитаи рушди сайёҳӣ ва Донишгоҳи техникии Тоҷикистон ба номи академик М.С. Осимӣ бахшида ба Рӯзи умумиҷаҳонии сайёҳӣ конференсияи ҷумҳуриявии илмӣ-амалӣ дар мавзӯи «Нақши нақлиёт ва инфрасохтори он дар рушди соҳаи сайёҳӣ» баргузор гардид. Дар ин бора ба АМИТ «Ховар» аз Кумитаи рушди сайёҳӣ хабар доданд.

Дар чорабинии мазкур роҳбарияти Кумитаи рушди сайёҳӣ, Вазорати нақлиёти Ҷумҳурии Тоҷикистон, Агентии авиатсияи гражданӣ,  мақомоти иҷроияи ҳокимияти давлатии шаҳри Душанбе, устодон ва донишҷӯёни  Донишгоҳи техникии Тоҷикистон ширкат варзиданд.

Зикр гардид, ки барои таъмини рушди бемайлони соҳаи сайёҳӣ ва баромадан ба бозорҳои ҷаҳонии сайёҳӣ, тибқи ҳадафҳои Стратегияи миллии рушди Ҷумҳурии Тоҷикистон барои давраи то солҳои 2030 бояд корҳои зиёди дигаре  бахусус ҷиҳати рушди инфрасохтори  соҳа  анҷом дода шаванд.

Махсусан, баромадан аз бумбасти коммуникатсионӣ, ки яке аз ҳадафҳои асосӣ дар Стратегияи мазкур дарҷ гардидааст, аҳамияти калон барои рушди сайёҳӣ, нақши нақлиёт ва инфрасохтори он дар ҷалби сайёҳон ба ҳисоб меравад. Имрузҳо тибқи Стратегияи мазкур таҷдиду аз навсозии роҳҳои автомобилгард ва кушодани сарҳадҳо барои судур ва вуруди шаҳрвандон як қатор корҳои амалӣ аз ҷониби Ҳукумати мамлакат ба роҳ монда шудааст, ки ба ҷалби бевоситаи сайёҳон замини хуб фароҳам оварда истодааст. Ҳамзамон, Кумитаи рушди сайёҳӣ бо Вазорати нақлиёти Ҷумҳурии Тоҷикистон дар банақшагирӣ ва сохтмони шоҳроҳҳо ҳамкорӣ намуда, бунёди инфрасохтори сарироҳиро  мутобиқ ба талаботҳои байналмилалӣ ба нақша гирифта истодаанд.

Инчунин, кушодани хатсайрҳои мустақими ҳавои миёни Ҷумҳурии Тоҷикистон ва кишварҳои хориҷӣ, ки руз то руз зиёд гардида, ва сатҳу сифати хизматрасониҳои нақлиёти ба сифати нав бароварда шуда истодаанд, барои ҷалби бештари сайёҳон мусоидат менамояд. Бояд гуфт, ки дар самти сайёҳи барнома ва лоиҳаҳое мавҷуд аст, ки бароои дар амал татбиқ намудани онҳо миқдори муайяни вақт зарур мебошад.

Имрўзҳо дар натиҷаи таблиғу ташвиқ ва корҳои фаҳмондадиҳӣ аз ҷониби Кумита, аксари ширкатҳои сайёҳӣ аз содироти сайёҳон ба хориҷи кишвар, бештар ба воридоти онҳо ва сайёҳии дохилӣ машғул шуда, хатсайрҳои нави сайёҳӣ ба минтақаҳои сайёҳии ҷумҳурӣ роҳандозӣ карда шуданд. Дар баробари ин, дар ҳамкорӣ бо бахши хусусӣ Маркази хизматарасонии нақлиётӣ дар соҳаи сайёҳӣ бо фарогирии автомашинаҳои сабукрав ба фаъолият оғоз намуд, ки ба рушди соҳа ва беҳтар намудани хизматрасониҳои сайёҳӣ таъсири мусбӣ расонида истодааст.

Идомаи кори конференсияи мазкур дар ду бахш – бахши «Ташкили ҳамлу нақл, идоракунӣ ва коммуникатсияҳои нақлиётӣ» ва бахши «Истифодабарии нақлиёти автмобилӣ, бехатарӣ, экология ва стандартикунонӣ» баргузор мегардад.

Сентябрь 27, 2019 18:31

Хабарҳои дигари ин бахш

Намояндаи Тоҷикистон дар конфронси байналмилалӣ дар шаҳри Истанбул сухан гуфт
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт
Намояндаи Тоҷикистон дар ҷаласаи Шӯрои сайёҳии кишварҳои узви Иттиҳоди Давлатҳои Мустақил тариқи маҷозӣ иштирок намуд
Гардиши савдои хориҷӣ миёни Тоҷикистон ва кишварҳои СҲШ дар шашмоҳаи якуми соли 2022 68 фоизро ташкил дод
Ҳаҷми маҳсулоти умумии кишоварзии вилояти Хатлон дар сатҳи 106-107 фоиз таъмин гардид