Сабрина Абророва дар Чемпионати Осиёи Ғарбӣ оид ба шоҳмот сазовори ду медали нуқра гардид
ДУШАНБЕ, 11.09.2019 /АМИТ «Ховар»/. Шоҳмотбози ҷавону шинохтаи тоҷик Сабрина Абророва дар Чемпионати Осиёи Ғарбӣ оид ба шоҳмот миёни наврасон медали дуюми нуқраро ба даст овард. Дар ин бора шореҳи варзиши АМИТ «Ховар» Меҳрони ҚУРБОН бо истинод ба намояндаи расмии Кумитаи миллии олимпии Тоҷикистон Умаралӣ Сафаралӣ хабар медиҳад.
Тибқи иттилои манбаъ, мусобиқа дар шаҳри Деҳлии Ҳиндустон аз рӯи равияҳои шоҳмоти классикӣ, рапид ва блитс 10 сентябр ба анҷом расид. Ин бор Сабрина миёни духтарони то 14-сола дар равияи шоҳмоти классикӣ ҷои дуюмро ишғол кард.
Сабрина дар 9 давр бо 6 ғалаба бар намояндагони Ҳиндустон (4 нафар), Ӯзбекистон ва Шри Ланка, 2 мусовӣ бо намояндагони Ҳиндустон ва 1 бохт бар намояндаи Ҳиндустон сазовори 7 хол гардид. Ҷойҳои якуму сеюмро варзишгарони Ҳиндустон ишғол намуданд.
Сабрина Абророва дар рӯзи аввали мусобиқот дар равияи рапид (босуръат) низ медали нуқра ба даст оварда буд, аммо дар равияи блитс, ки дар рӯзи охири мусобиқа доир гашт, пас аз 4 ғалаба, 3 мусовӣ ва 2 бохт дар 9 давр бо 5,5 хол ҷои 11-умро ишғол кард. Дар ин равия ҷойҳои якуму сеюмро намояндагони Ҳиндустон, ҷои дуюмро намояндаи Ӯзбекистон ба даст оварданд. Ҳамин тариқ, дар чемпионати Осиёи Ғарбӣ миёни наврасон, ки бо иштироки 336 шоҳмотбоз аз 10 давлат — Тоҷикистон, Ӯзбекистон, Қазоқистон, Қирғизистон, Ҳиндустон, АМА, Бангладеш, Непал, Шри Ланка ва Эрон аз рӯи 8 синн ҷараён гирифт, дар ҷадвали ҳисоби медалҳо Ҳиндустон бо 116 медал (42 тилло, 37 нуқра, 37 биринҷӣ) ҷои аввалро ишғол кард.
Ӯзбекистон бо 6 медал (2-1-3) ҷои дуюм, Қазоқистон бо 3 медал (0-2-1) ҷои сеюмро сазовор шуданд. Тоҷикистон бо 2 медали нуқра дар мақоми 4-ум мавқеъ гирифт. Дар маҷмӯъ, дар ин мусобиқа намояндагони 8 давлат медал ба даст оварданд.
Ёдовар мешавем, ки Сабрина дар 5-умин Бозиҳои ҷаҳонии наврасон (World Junior Compatriot Games), ки 1-5 июни соли равон дар шаҳри Ханти-Мансийски Федератсияи Россия баргузор шуда буд, сазовори ду медал – 1 тилло ва 1 нуқра гардида буд.
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
Ғолибони шоҳҷоизаҳои мусобиқаи гӯштини миллии ноҳияи Панҷ муайян гардиданд
Дар шаҳри Анталияи Туркия Форуми 8-уми Этноспорт баргузор гардид
«ҶОМИ РАИСИ ШАҲРИ ДУШАНБЕ». Дар пойтахт Мусобиқаи байналмилалӣ оид ба гӯштингирӣ баргузор гардид
Паралимпичиёни тоҷик бо дастовардҳои бузурги варзишӣ ба Ватан баргаштанд
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
