Ширкати Тселл дар шаҳри Хоруғ Маркази нави хизматрасонӣ кушод

Сентябрь 13, 2019 09:18

ХОРУҒ, 13.09.2019. /АМИТ «Ховар»/. Дар шаҳри Хоруғ Маркази нави хизматрасонии ширкати мобилии Тселл ба фаъолият оғоз кард. Барои бунёд ва таъмини марказ бо таҷҳизоти муосир беш аз ним миллион сомонӣ сарф шудааст. Бо васл кардани таҷҳизоти муосир акнун муштариёни ширкат метавонанд аз алоқаи насли чорум ё худ 4G  истифода баранд.

Раиси шаҳри Хоруғ Кишвар Шаҳмирӣ зимни ифтитоҳи он изҳор дошт, ки «афзудани шумораи чунин марказҳо ба татбиқи «Консепсияи ташаккули ҳукумати электронӣ дар Ҷумҳурии Тоҷикистон барои солҳои 2012-2020» кумаки беандоза мерасонад. Низоми «ҳукумати электронӣ» ҳамаи сохторҳои мақомоти давлатиро муттаҳид намуда, шароити фароҳам меорад, ки бо истифода аз шабакаи интернетӣ гардиши ҳуҷҷатҳои электронии байниидоравиро таъмин намоянд, ба шахсони ҳуқуқию воқеӣ хизматрасониҳои давлатӣ расонанд, ба арзу шикояти онҳо сари вақт посух гардонанд. Президенти мамлакат муҳтарам Эмомалӣ Раҳмон низ ба масъалаи мазкур таваҷҷуҳи хосса зоҳир намуда, пайваста таъкид месозанд, ки «дар марҳалаи имрўза бо истифода аз усулҳои «ҳукумати электронӣ» ҳарчи васеътар ҷорӣ намудани коргузорӣ ва ба сатҳи сифатан нав бардоштани масъулияти хизматчиёни давлатӣ аз ҷумлаи вазифаҳои муҳимтарин ба ҳисоб меравад».

Раиси шаҳр изҳор дошт, ки «бе рушди технологияи иттилоотию коммуникатсионӣ ва суръати муносиби интернетӣ  роҳандозии низоми «ҳукумати электронӣ» ғайриимкон мебошад. Бинобар ин бунёди маркази нави Тселл боз як қадами устувор барои дар амал татбиқ кардани консепсияи мазкур мебошад».

Дар маркази нав  утоқи махсус мавҷуд аст, ки дар он меҳмонону сайёҳон ва сокинони деҳоти дурдаст аз шабакаи интернет ройгон истифода мебаранд.

Сентябрь 13, 2019 09:18

Хабарҳои дигари ин бахш

«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид