Синои Зинатшо барандаи Шоҳҷоизаи озмуни «Библиомарафон» гардид
ДУШАНБЕ, 5.09.2019./ АМИТ «Ховар»/. Ғолибони озмуни ҷумҳуриявии «Библиомарафон» таҳти унвони «Ҳамнишине беҳ аз китоб махоҳ» муайян гардиданд. Маросими ҷамъбаст ва супоридани диплому туҳфаҳо ба ғолибони озмун дирӯз дар Китобхонаи миллии Тоҷикистон дар маросими тантанавӣ баргузор гардид. Дар ин бора аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд.
Дар он як гурӯҳ хонандагони мактабҳои мамлакат, ки дар даврҳои озмун маҳорати баланди китобхонии худро нишон дода буданд, аз ҷониби Вазири фарҳанги Ҷумҳурии Тоҷикистон Шамсиддин Орумбекзода мукофотонида шуданд.
Зикр гардид, ки Озмуни ҷумҳуриявии «Библиомарафон» таҳти унвони «Ҳамнишине беҳ аз китоб махоҳ» барои баргузории Озмуни ҷумҳуриявии «Фурӯғи субҳи доноӣ», ки бо амри Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саросари мамлакат ҷараён дорад, заминаи мусоид фароҳам оварда, насли наврасро барои иштирок дар ин озмуни бонуфуз омода месозад.
Барандаи шоҳҷоизаи озмун хонандаи синфи 7-и МТМУ № 10-и ноҳияи Ишкошим Синои Зинатшо дониста шуда, бо 1000 сомонӣ мукофот сарфароз гардонида шуд. Инчунин ҷойи якум насиби Рўдакӣ Норов аз шаҳри Панҷакент гардида, ҷойи дуюм ба Зайнабхон Ҳамидиён аз шаҳри Душанбе ва ҷои сеюм ба Нисо Наимова дода шуд.
Бояд гуфт, ки ғолибон ва иштирокчиёни фаъоли озмун аз ҷониби Вазорати фарҳанги Ҷумҳурии Тоҷикистон, Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур, Кумитаи ҷумҳуриявии Иттифоқи касабаи кормандони фарҳанг, иттилоот, варзиш ва сайёҳии Тоҷикистон ва Ҷамъияти дорои масъулияти маҳдуди «Рухом» бо туҳфаҳо қадрдонӣ карда шуданд.
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
Дар муассисаҳои таълимии ноҳияи Данғара даври аввали (муассисавии) Озмуни ҷумҳуриявии «Фурӯғи субҳи доноӣ китоб аст» оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
