Ҳунармандони Тоҷикистон дар Фестивали байналмилалии ҳунарҳои мардумӣ дар Ӯзбекистон санъати баланди миллиамонро манзур намуданд
ДУШАНБЕ, 16.09.2019. /АМИТ «Ховар»/. Аз 10 то 15 сентябр дар шаҳри Қӯқанди Ҷумҳурии Ӯзбекистон Фестивали байналмилалии ҳунарҳои мардумӣ баргузор гардид.
Тавре аз Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, дар фестивали мазкур Вазири фарҳанги Ҷумҳурии Тоҷикистон Шамсиддин Орумбекзода чун меҳмони фахрӣ ширкат намуд.
Бино ба иттилои манбаъ, аз Ҷумҳурии Тоҷикистон 8 нафар косиб дар радифи ҳунармандон аз даҳҳо кишвари дунё иштирок намуданд. Дар фестивали мазкур ҳунармандони тоҷик ҳунарҳои миллиамонро манзури меҳмонон гардониданд.
Ҳамчунин дар доираи фестивал барномаҳои гуногун, аз ҷумла конфронсу суҳбатҳои «мизи мудаввар» баргузор гардиданд, ки дар онҳо рушди соҳаи ҳунармандӣ, нигоҳ доштани анъанаҳои ҷойдоштаи соҳа ва дигар мавзӯъҳои муҳим мавриди таҳлилу баррасӣ қарор гирифтанд.
Тайи солҳои охир муносибатҳои фарҳангии ду давлат дар сатҳи баланд ҷараён доранд. Ёдовар мешавем, ки 14 июн дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Ҳамоиши панҷуми Машварати ҳамкорӣ ва тадбирҳои боварӣ дар Осиё Президенти Ҷумҳурии Ӯзбекистон Шавкат Мирзиёевро ба ҳузур пазируфтанд.
Дар ҷараёни мулоқоти самимӣ маҷмӯи васеи муносиботи дӯстию бародарӣ, ҳамкорӣ ва ҳамсоягии Тоҷикистону Ӯзбекистон баррасӣ гардид.
Инчунин дар робита ба таҳкими равобити фарҳангию гуманитарӣ ва баргузории Рӯзҳои фарҳангӣ гузаронидани «Рӯзи Душанбе дар Тошканд» ва «Рӯзи Тошканд дар Душанбе» зарур шуморида шуд.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
