Вазири корҳои хориҷии Тоҷикистон дар Ню-Йорк чанд мулоқоти судманд доир намуд
ДУШАНБЕ, 27.09.2019 /АМИТ «Ховар»/. 26 сентябр дар ҳошияи иҷлосияи 74-уми Маҷмаи Умумии СММ Вазири корҳои хориҷии Ҷумҳурии Тоҷикистон Сироҷиддин Муҳриддин бо намояндагони воломақоми Мексика, Венгрия ва Канада мулоқотиу ворӯриҳо анҷом дод. Дар ин бора АМИТ «Ховар» бо истинод ба Намояндагии доимии Ҷумҳурии Тоҷикистон дар Созмони Милали Муттаҳид хабар медиҳад.
26 сентябр Сироҷиддин Муҳриддин бо муовини Котиби давлатии Иёлоти Муттаҳидаи Мексика оид ба корҳои хориҷӣ Хулиан Вентура Валеро вохӯрӣ намуд.
Ҷонибҳо дурнамои масоили ҳамкории дуҷонибаи байни ду кишвар ва роҳҳои таҳкими онҳоро мавриди муҳокима қарор доданд.
Инчунин ҷонибҳо Созишнома байни Ҳукумати Ҷумҳурии Тоҷикистон ва Ҳукумати Иёлоти Муттаҳидаи Мексика оид ба бекор кардани талаботи раводид барои дорандагони шиносномаҳои дипломатиро ба имзо расониданд.
Дар мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷӣ ва савдои Венгрия Петер Сзийярто, ки 26 сентябр доир гардид, ҷонибҳо роҳҳои густариши ҳамкории дуҷонибаи иқтисодӣ, тиҷоратӣ, сайёҳӣ ва илмиро муҳокима намуданд.
Инчунин зимни мулоқот вобаста ба масъалаҳои амнияти байналмилалӣ ва минтақавӣ изҳори назар карда шуд.
Дар фарҷоми мулоқот ду санади ҳамкорӣ ба имзо расиданд:
Созишнома байни Ҳукумати Ҷумҳурии Тоҷикистон ва Ҳукумати Венгрия оид ба ҳамкории иқтисодӣ;
Барномаи ҳамкорӣ дар соҳаи маориф байни Вазорати маориф ва илми Ҷумҳурии Тоҷикистон ва вазоратҳои корҳои хориҷӣ ва савдо, захираҳои инсонӣ ва инноватсия ва технологияи Венгрия барои солҳои 2019-2020.
Инчунин 26 сентябр Вазири корҳои хориҷии Тоҷикистон Сироҷиддин Муҳриддин бо Фиристодаи вежаи Ҳукумати Канада ба иҷлосияи 74-уми Маҷмаи Умумии СММ, собиқ сарвазир Чарлз Ҷозеф Кларк вохӯрӣ намуд.
Зимни мулоқот ҷонибҳо масъалаҳо ва роҳҳои тақвияти ҳамкории дуҷонибаро дар соҳаҳои мухталиф, аз ҷумла масъалаҳои об, энергетика, технология ва маориф мавриди муҳокима қарор доданд.
Инчунин ҷонибҳо дар масоили ҳамкорӣ дар ҳошияи созмонҳои байналмилалӣ мубодилаи афкор анҷом доданд.
АКС: ВКХ ҶТ
Сафири Тоҷикистон бо муовини Раиси Девони Вазирони Туркманистон оид ба тиҷорат, саноати нассоҷӣ ва соҳибкорӣ мулоқот намуд
Намояндаи доимии Тоҷикистон дар нишасти пленарии Маҷмаи Умумии Созмони Милали Муттаҳид иштирок намуд
Сафари давлатии Президенти Ҷумҳурии Исломии Эрон дар Ҷумҳурии Тоҷикистон анҷом ёфт
Мулоқоти Сафири Тоҷикистон бо роҳбарияти Маркази имдод ва корҳои башардӯстонаи Шоҳ Салмон
Президенти Ҷумҳурии Исломии Эрон Масъуд Пизишкиён бо Сарвазири Ҷумҳурии Тоҷикистон Қоҳир Расулзода мулоқот намуданд
Президенти Ҷумҳурии Исломии Эрон Масъуд Пизишкиён дар пояи муҷассамаи Исмоили Сомонӣ гулчанбар гузошт
Имрӯз Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад
Сафири Тоҷикистон дар Ҷумҳурии Корея дар вохӯрии 7-уми дӯстони Бунёди рушди сабз иштирок намуд
Намояндаи Тоҷикистон нахустин бор ба мақоми Президенти Шурои иҷроияи ЮНИСЕФ барои соли 2025 интихоб гардид
Дар Душанбе рушди ҳамкории судманди Тоҷикистон ва сохторҳои Созмони Милали Муттаҳид баррасӣ гардид
Дар Москва иштироки ҳайати Тоҷикистон дар Намоишгоҳи байналмилалии сайёҳии «MITT» баррасӣ гардид
