Бонки миллии Тоҷикистон: «Сатҳи таваррум дар Тоҷикистон 6,5 фоизро ташкил дод»
ДУШАНБЕ, 16.09.2019 /АМИТ «Ховар»/. Нишондиҳандаҳои макроиқтисодӣ бозгӯи онанд, ки дар зарфи нуҳ моҳи соли равон таваррум дар мамлакат дар сатҳи нисбатан муътадил нигоҳ дошта шуда, ба 6,5 фоиз баробар шуд. Ин матлаб дар ҷаласаи ҷамъбастии Бонки миллии Тоҷикистон зикр гардид.
Дар ҷаласа Раиси Бонки миллии Тоҷикистон Ҷамшед Нурмаҳмадзода доир ба вазъи низоми бонкии Тоҷикистон сухан карда, гуфт, ки дар ин давра Бонки миллии Тоҷикистон фаъолияти худро ҷиҳати суботи молиявӣ, татбиқи ислоҳот дар самти сиёсати пулию қарзӣ, ҷоннок намудани фишангҳои монетарӣ ва дар ин робита нигоҳ доштани сатҳи таваррум дар доираи нишондиҳандаҳои мақсаднок равона намуд.
Ҷамшед Нурмаҳмадзода таваҷҷуҳи аҳли ҷаласаро ба дастуру супоришҳои Пешвои миллат муҳтарам Эмомалӣ Раҳмон аз мулоқот бо кормандони мақомоти молия, андоз, гумрук, сармоягузорӣ ва бонкҳо ҷалб намуда, аз тадбирҳои андешидашуда дар ин самт натиҷагирӣ кард. Гуфта шуд, ки бо мақсади татбиқи иқдоми Пешвои миллат оид ба таъмини рушди соҳибкорӣ бо роҳи паст кардани меъёри фоизи қарз, Бонки миллии Тоҷикистон дар ҳамкорӣ бо ташкилотҳои қарзӣ тадбирҳои зарурӣ андешида, дар натиҷа меъёри миёнавазни фоизи қарзҳо бо пули миллӣ дар моҳҳои январ-сентябри соли 2019 нисбат ба нуҳ моҳи соли гузашта ба андозаи 6,4 банди фоизӣ паст гардида, 22,1 фоизро ташкил намуд. Меъёри миёнавазни фоизи қарзҳо дар ин давра бо асъори хориҷӣ 15,5 фоизро ташкил намуд, ки дар муқоиса ба ҳамин давраи соли гузашта 1,3 банди фоизӣ паст шуд.
Бо дахли пешниҳоди маблағгузориҳои қарзӣ барои рушди соҳибкорӣ зикр гардид, ки аз ҳаҷми умумии қарзҳои аз ҷониби ташкилотҳои қарзӣ дар давраи ҳисоботӣ додашуда 39,9 фоизи он ба соҳибкории истеҳсолӣ рост омада, маблағи 2 671,5 млн. сомониро ташкил дод, ки нисбат ба ҳамин давраи соли гузашта 980,9 млн. сомонӣ ё 58,0 фоиз зиёд аст.
Зикр гардид, ки дар ин давра дар мамлакат як қатор ташкилотҳои нави қарзӣ, назири Бонки исломии Тоҷикистон- «Тавҳидбонк», Бонки «Арванд», «Васл» ва дигар марказҳои хизматрасонии бонкӣ баҳри беҳтар намудани сифати хизматрасонии бонкӣ ба аҳолӣ ва рушди низоми бонкии мамлакат таъсис дода шуданд.
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
ҚУРБИ АСЪОР: 1 доллари ИМА аз 9.2916 то 9.3500 сомонӣ муқаррар шудааст
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
