Дар Душанбе Намоишгоҳи китоб – нашри Шӯрои фарҳанги Давлати Кувайт ва базми шеъри шоирони кувайтию тоҷик доир гардид
ДУШАНБЕ, 16.10.2019 АМИТ «Ховар»/. 16 октябр дар Донишгоҳи миллии Тоҷикистон Намоишгоҳи китоб – нашри Шӯрои фарҳанги Давлати Кувайт ва базми шеъри шоирони кувайтию тоҷик баргузор гардид.
Дар намоишгоҳ шоири машҳури қувайтӣ Иброҳим ал- Холидӣ ва шоирони шинохтаи тоҷик Гулназар Келдӣ, Гулрухсори Сафӣ, тарҷумон ва шоири арабзабони тоҷик Нарзуллоҳи Назар, устодону донишҷӯёни Донишгоҳи миллии Тоҷикистон иштирок доштанд.
Ҳамчунин дар ин рӯз беҳтарин осори нашри Шӯрои фарҳанги Давлати Кувайт, аз қабили рӯзномаву маҷалла ва ашъори шоирони кувайтӣ ба маъраз гузошта шуд.
Шоири машҳури кувайтӣ Иброҳи шеъри калом қироат намуд, ки тарҷумон муҳтавои онро ба иштирокдорон тарҷума намуд. Инчунин шоирони тоҷик аз ашъори худ шеърҳо қироат намуданд.
Муҳтавои ашъори шоиронро саропо васфи муҳаббат ба Ватан, дӯстиву рафоқат ва ормонҳои инсондӯстонаи башарӣ ташкил медод.
Ёдовар мешавем, ки Иброҳим ал- Холидӣ шоир, муҳаққиқ ва рӯзноманигори шинохтаи Кувайт буда, соли 1971 тавввалуд шудааст.
Маҷмӯаҳои ашъораш таҳти унвонҳои «Суратгири бадавӣ», «Суҳбати саҳро», «Кишваре бо номи Кувайт» ва «Шояд монанди ман аст» ба чоп расидаанд. Ӯ ҳамчунин муаллифи чандин мақолаву тадқиқот оид ба фарҳанги мардуми Кувайт мебошад.
Дар фарҷом донишҷӯёни факултаи забонҳои Осиё ва Аврупо бо қироати шеърҳои шоирони кувайтӣ бо забони асл ба ин маҳфил ҳусни тоза бахшиданд.
Ёдовар мешавем, ки Рӯзҳои фарҳанги Давлати Кувайт дар Ҷумҳурии Тоҷикистон то 18 октябр идома меёбанд.
Дар Институти физикаю техника озмоишгоҳи замонавӣ ба истифода дода шуд
Абубакри Розӣ аз зумраи нобиғаҳоест, ки дар пешрафти соҳаҳои гуногуни илми ҷаҳонӣ саҳми калон гузоштааст
ҒИЗОИ СОЛИМ. Тоҷикон дар наҳорӣ кадом хӯрокҳоро омода менамоянд?
Вобаста ба Соли байналмилалии ҳифзи пиряхҳо ва арзёбии илмии равандҳои криосфера конференсияи байналмилалӣ доир шуд
Дар Душанбе Фестивал-намоиши либосҳои миллӣ баргузор мегардад
«ПИРЯХҲО-НЕЪМАТИ БЕБАҲОИ ТОҶИКИСТОН». Дар Осорхонаи миллӣ конфронси илмии ҷумҳуриявӣ доир гардид
РӮЗИ МОДАР. Дар Душанбе бахшида ба он намоиш-фурӯши китоб доир мешавад
Дар Академияи миллии илмҳо масъалаи омоданамоии кадрҳои баланди илмӣ дар самти илмҳои табиатшиносӣ, дақиқ ва риёзӣ баррасӣ шуд
Дар Давҳа Маҷмаи 10-уми умумии Шабакаи ҷаҳонии дипломатияи мардумӣ ба фаъолият оғоз намуд
«САД РАНГИ ЧАКАН». Дар Бадахшон ғолибони даври вилоятии фестивал муайян шуданд
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ЭҲЁИ ТАЪРИХУ ФАРҲАНГИ МИЛЛӢ ВА ИСТИҚЛОЛИЯТ. Мулоҳизаҳои директори Агентии ҳифзи мероси таърихию фарҳангӣ
