Дар Хуҷанд барои рӯзноманигорон дар самти пешгирии зӯроварӣ ва хушунат озмун доир мегардад
ДУШАНБЕ, 31.10.2019 /АМИТ «Ховар»/. Шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд ва дафтари матбуоти Раиси шаҳр дар чорчӯбаи Барномаи давлатӣ «Оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» барои рӯзноманигорони вилоят озмуни беҳтарин мақола (рӯзнома, сомона), гузориш ва ё барномаи телевизионӣ, ролики иҷтимоӣ ва акси беҳтарин дар самти пешгирии зӯроварӣ ва хушунатро эълон менамояд.
Дар ин бора аз мақомоти иҷроияи ҳокимияти давлатии вилояти Суғд хабар доданд.
Ба иттилои манбаъ, дар озмуни мазкур рӯзноманигорон новобаста аз шакли моликият ва ҷойи кор иштирок карда метавонанд. Далелу рақамҳои мавод ҳатман воқеъӣ ва рӯзмаррабояд бошанд. Маводи озмун бояд то 1 декабри соли равон бо ишора ба Озмун нашр ва нусхаи он ба комиссияи озмун пешниҳод карда шавад.
Бояд гуфт, ки озмун аз рӯйи чор номиннатсия-беҳтарин мақола, гузориш, ролики тарғиботӣ ва акс натиҷагирӣ карда мешавад.
Ҳадафи озмун, пеш аз ҳама, муайян намудани кормандони беҳтарини расонаҳои хабарии вилоят ва журналистони ҷавон, ки дар инъикоси маводи марбут ба мубориза бар зидди хушунат, зӯроварӣ дар оила, гендер ва инчунин ба мардум фаҳмонидани он фаъолона ширкат меварзанд, мебошад. Ҳамзамон сари вақт хабардор кардани ҷомеа аз раванди қонунгузории мамлакат доир ба баробарҳуқуқии зану мард, баланд бардоштани мавқеи зан дар ҷомеа, пешгирии ҳуқуқпоймолкунӣ нисбат ба занон ва проблемаҳои дорои аҳамияти махсуси иҷтимоӣ, ҳамзамон ҷалби таваҷҷуҳи аҳли ҷомеа ба масъалаҳои ҳалталаби гендерӣ мебошад.
Ёдовар мешавем, ки озмун аввали моҳи декабри соли равон дар анҷоми маъракаи «16 рӯзи мубориза алайҳи хушунат» ҷамъбаст гардида, ғолибон бо мукофоту Сипосномаи Мақомоти иҷроияи ҳокимияти давлатии шаҳри Хуҷанд қадрдонӣ мегарданд.
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
