Дорандагони кортҳои низомҳои «Корти миллӣ» ва «Мир» имкон доранд аз шабакаҳои терминалии бонкӣ истифода баранд
ДУШАНБЕ, 29.10.2019 /АМИТ «Ховар»/. Бо татбиқи лоиҳаи ҳамгироии Низоми пардохти миллии «Корти миллӣ» (Тоҷикистон) ва «Мир» (Россия) дорандагони кортҳои низомҳои «Корти миллӣ» ва «Мир» имкон доранд аз шабакаҳои терминалии бонкӣ, ки иштирокчии низоми пардохтии мазкуранд, истифода баранд. Ин нуктаро Раиси Бонки миллии Тоҷикистон Ҷамшед Нурмуҳаммадзода дар мулоқот бо муовини Директори генералии Ҷамъияти саҳомии НМКП «Мир» Сергей Бочкарев баён дошт.
Аз Бонки миллии Тоҷикистон ба АМИТ «Ховар» иттилоъ доданд, ки мулоқот дар доираи лоиҳаи ҳамгироии Низоми пардохти миллии «Корти миллӣ» ва НМКП «Мир» дар Душанбе доир гардида, Ҷамшед Нурмаҳмадзода аз ҳамкории Бонки миллии Тоҷикистон бо Низоми миллии кортҳои пластикии «Мир» изҳори қаноатмандӣ намуд.
Раиси БМТ иброз дошт, ки бо татбиқи лоиҳаи ҳамгироии Низоми пардохтии «Корти миллӣ» ва НМКП «Мир» имкон фароҳам меояд, ки дорандагони кортҳои пардохтии «Корти миллӣ» аз хизматрасонии бонкҳои Россия ва дорандагони кортҳои пардохтии «Мир» аз хизматрасонии шабакаҳои терминалии бонкҳои Тоҷикистон бархурдор шуда, бо истифода аз имконияти мусоид маблағҳои худро аз як корт ба корти дигар бемамониат интиқол диҳанд. Дар маҷмӯъ, ҳамгироии мазкур дастрасии шаҳрвандони мамлакатро, ки муваққатан дар Россия фаъолият мекунанд, ба хизматрасониҳои бонкӣ осон мегардонад.
Лоиҳаи ҳамгироии низомҳои пардохтии «Корти миллӣ» ва «Мир» дар асоси шартномаи ҳамкорӣ аз моҳи ноябри соли 2018 байни низомҳои пардохтӣ оғоз шуда, аз рӯи нақша татбиқи он моҳи декабри соли равон дар назар аст.
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
