Хонандагони тоҷики шаҳри Қазон дар мусобиқаи варзиши мактабӣ ҷои аввалро гирифтанд
ДУШАНБЕ, 12.10.2019./АМИТ «Ховар»/. Аз 4 то 10 октябр дар шаҳри Қазони Ҷумҳурии Тотористон 7 –умин Фестивали байналмилалии варзиши мактабӣ миёни кишварҳои аъзои ИДМ баргузор гардид. Дар мусобиқаи мазкур хонандагони шуъбаи тоҷикии Мактаби якшанбегии миллатҳои шаҳри Қазон дар вохӯрии финалӣ дастаи мунтахаби Россияро дар бахши футболи хурд мағлуб намуда, мақоми аввалро соҳиб шуданд.
Дар ин бора ба АМИТ «Ховар» сухангӯи Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Росссия оид ба муҳоҷират Иброҳими Аҳмад хабар дод.
Тибқи иттилои манбаъ, дар мусобиқа дастаҳои кӯдакон аз Тоҷикистон, Қазоқистон, Қирғизистон, Ӯзбекистон, Арманистон, Озарбойҷон, Беларус, Россия ва дар 8 намуди варзиш, аз ҷумла футболи хурд, баскетбол, волейбол, тенниси рӯйи миз, бадминтон, шоҳмот ва шиноварӣ сабқат карданд. Дар маҷмӯъ фестивали байналмилалии варзиши мактабӣ 450 нафар кӯдаконро аз кишварҳои ИДМ ҷамъ овард.
«Раиси Ташкилоти ҷамъиятии «Автономияи миллии тоҷикони Ҷумҳурии Тотористон» Ҳикматулло Гадоев, ки дар ин мусобиқот дастаи мактаббачагони тоҷикро раҳнамоӣ мекард, изҳор намуд, ки баргузории чунин чорабиниҳо на танҳо ба таҳкими дӯстию рафоқат миёни намояндагони халқияту миллатҳо мусоидат менамояд, балки дар оянда барои кӯдакон таҷрибаи хуб барои иштирок дар мусобиқоти сатҳи болотар мегардад.
Ҳ.Гадоев ҳамчунин иттилоъ дод, ки шуъбаи тоҷикии Мактаби якшанбегии миллатҳо дар шаҳри Қазон 4 сол инҷониб таъсис ёфта, айни замон дар он 17 нафар кӯдакони тоҷик таҳсил менамоянд», — афзуд И.Аҳмад.
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
