Масъуди Сипанд: «Зебоии Тоҷикистон назир надорад ва мардумаш хеле хушбахтанд»

Октябрь 22, 2019 13:30

ДУШАНБЕ, 22.10.2019 /АМИТ «Ховар»/. Имрӯз бо ҳузури Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси Анҷумани тоҷикон ва форсизабонони ҷаҳон  муҳтарам Эмомалӣ Раҳмон дар шаҳри Душанбе таҳти унвони «Пажӯҳиш дар фарҳанги бостон: аз дирӯз то имрӯз» Симпозиуми байналмилалии илмӣ доир гардид.

Тавре дар ҷараёни ҳамоиш таъкид гардид, Симпозиуми илмии имрӯза давоми мантиқии ин гуна чорабиниҳо мебошад, ки он бо ҳидояти Пешвои миллат, Президенти Ҷумҳурии Тоҷикистон муҳтарам Эмомалӣ Рахмон баргузор шуда, ба 1120-солагии давлатдории Сомониён, бузургдошти Борбади Марвазӣ, Куруши Кабир ва ҷашнҳои фарҳангии мардуми ориёинажод – Наврӯз, Меҳргон, Сада ва Тиргон бахшида шуда буд.

Дар кори Симпозиум  пажӯҳишгарони тоҷик ва зиёда аз 120 нафар донишмандон аз Ӯзбекистон, Қирғизистон, Россия, Ҳиндустон, Франсия, Австрия, Германия, Амрико, Канада, Шветсия, Швейтсария, Голландия, Эрон, Дания, Испания, Англия, Австралия, Исроил ва Ироқ иштирок намуданд.

Яке аз меҳмонони ин Симпозиум шоир Масъуди СИПАНД   дар суҳбат бо хабарнигори АМИТ «Ховар» оид ба муҳимияти ин ҳамоиш ва посдории таъриху тамаддуни ориёӣ аз ҷониби Раиси Анҷумани тоҷикон ва форсизабонони ҷаҳон, Президенти  Ҷумҳурии Тоҷикистон муҳтарам Эмомалӣ Раҳмон ибрози назар кард.

Ба гуфтаи Масъуди Сипанд, «зебоии Тоҷикистон назир надорад, мардуми Тоҷикистон хеле хушбахтанд. Барои ман мояи  хушнудист, ки дар ҳузури Президенти Тоҷикистон Эмомалӣ Раҳмон шеър хонам ва ифтихор аз он кунам, ки ман низ ориёиям».

Масъуди Сипанд таъкид намуд, ки «Президенти Тоҷикистон Эмомалӣ Раҳмон пайваста барои пешрафти мардуми Тоҷикистон кӯшиш мекунад.  Дар Тоҷикистон сулҳу ваҳдат пойдор аст ва имрӯз  барои ман ифтихор мебуд, агар дар гӯшае аз ин сарзамин зиндагӣ кунам. Ман Тоҷикистонро дӯст медорам! Тоҷикистон бо Эмомалӣ Раҳмон  пойдор аст ва мардумаш  сол ба сол пешрафт мекунад».

Дар ҷараёни Симпозиум таъкид гардид, ки бузургдошти шахсиятҳои сиёсӣ, илмиву адабӣ ва бофарҳанги гузаштаву муосир, тарғибу ташвиқ, таҳқиқ ва таълими осору афкори онҳо, ҳамчунин арҷгузорӣ ва ҳифзи мероси илмиву адабӣ, таърихиву фарҳангӣ аз рукнҳои асосии сиёсати Ҳукумат ва давлати Тоҷикистони соҳибистиқлол ба шумор меравад. Ин, бешубҳа, аз сиёсати созандаву санҷида ва дурбинонаи Сарвари давлатамон — Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад.

Ба гуфти Президенти Академияи илмҳои Ҷумҳурии Тоҷикистон Фарҳод Раҳимӣ, маҳз тавассути сиёсати хирадмандонаи Пешвои миллат Эмомалӣ Рахмон мо тавонистем, ки дар 28 соли истиқлоли давлатӣ як силсила чорабиниҳои муҳими таърихӣ, илмиву адабӣ ва фарҳангиро бо иштироки донишмандон ва коршиносони ватаниву хориҷӣ дар сатҳи баланди байналмилалӣ баргузор намоем.

Симпозиуми имрӯза ҳамчун идомаи ҷаласаҳои илмии байналмилалӣ дар заминаи равишҳои нави пажӯҳишӣ силсилаи масъалаҳои муҳими фарҳанги бостонро ба таври куллӣ бори нахуст ва аз диди тоза фаро мегирад.

Чунин назари мукаммал ба марҳалаҳои таърихи тамаддуни халқамон имкон фароҳам меорад, ки саҳми давлати Сомониён дар рушду эҳёи забону адабиёт, илму фарҳанг, давлатдориву девонсолорӣ ва нақши онҳо дар рушди тамаддуни умумибашарӣ дар заминаи таҳқиқоти нави бунёдӣ ба роҳ монда шавад, мероси ғании назарӣ ва амалии мусиқиву адабии Борбади Марвазӣ мавриди баррасӣ қарор гирад, ба моҳияти умумиинсонии ҷашнҳои миллии мо — Наврӯз, Меҳргон, Сада ва Тиргон баҳои илмӣ дода шавад ва ба саҳми Куруши Кабир дар тамаддуни ҷаҳон ба сифати шоҳаншоҳи оқилу адолатпеша, тамаддунсоз, муаллифи аввалин Эъломияи ҳуқуқи башар дар таърихи инсоният, ки эҳтироми ҳуқуқ, озодӣ ва ҳифзи дороиҳои шаҳрвандонро ҳамчун омили муҳими оромиву беҳбудии ҷомеа кафолат додааст, таваҷҷуҳ зоҳир гардад.

Бояд таъкид намуд, ки ин гуна симпозиумҳо як мавриди бисёр муносиб барои шинохти амиқу таҳқиқи таърих, фарҳанг ва зиндагиномаву осори аҳли илму адаб ба шумор мераванд.

Кори Симпозиуми байналмилалии илмӣ таҳти унвони «Пажӯҳиш дар фарҳанги бостон: аз дирӯз то имрӯз» дар шаҳри Душанбе идома ёфта, меҳмонон аз маконҳои зебои пойтахт дидан мекунанд.

Октябрь 22, 2019 13:30

Хабарҳои дигари ин бахш

ТАШНАИ ТАРҒИБОТ. Мина Гули, варзишгари австралиягӣ, дар масири Шамсиддини Шоҳин-Дарвоз марафони навбатӣ анҷом дод
СОЗАНДАГОНИ ИМРӮЗУ ФАРДОИ ВАТАН. Имрӯз дар Тоҷикистон Рӯзи ҷавонон таҷлил мешавад
Пешвои миллат Эмомалӣ Раҳмон ҷавононро такягоҳи воқеӣ, умеду ифтихори ҷомеа ва давлати Тоҷикистон номиданд
Сарвазири Тоҷикистон Қоҳир Расулзода дар ҷаласаи навбатии Шӯрои сарони ҳукуматҳои кишварҳои узви ИДМ тариқи видеоконференсия иштирок намуд
МИНА ГУЛИ – ДАР ТОҶИКИСТОН: МАРАФОНИ ҶАҲОНӢ ИДОМА ДОРАД. Он баҳори соли оянда дар Ню-Йорк ба анҷом мерасад
Имрӯз дар сиғаи онлайн ҷаласаи Шӯрои сарони ҳукуматҳои ИДМ баргузор мешавад
ДАР ДУШАНБЕ ФОРУМИ ДОРОИ АҲАМИЯТИ ҶАҲОНӢ БАРГУЗОР МЕГАРДАД. Сарвазири Ҷумҳурии Тоҷикистон дирӯз ҷаласаи навбатии кумитаи тадорукотро баргузор намуд
Президенти Тоҷикистон Созмони Аҳдномаи амнияти дастҷамъиро аз таҳия шудани барномаҳои мухталиф дар марзҳои ҷанубӣ огоҳ намуданд
ДАР РУСИЯ ШУМОРАИ НАФАРОНИ ДАР ЯК ШАБОНАРӮЗ БО COVID-19 БИСТАРИШУДА СЕ МАРОТИБА АФЗУД. Вазъи коронавирус дар Тоҷикистон чӣ гуна назорат мешавад?
КОНФРОНСИ ДУЮМИ САТҲИ БАЛАНД ОИД БА МАСЪАЛАҲОИ ОБ ДАР ДУШАНБЕ. То имрӯз ҷиҳати иштирок дар он беш аз 1000 нафар номнавис шудаанд
Пешвои миллат Эмомалӣ Раҳмон 9 майро санаи ёдоварӣ аз муборизаи фидокоронаи фарзандони Тоҷикистон дар ҷабҳаҳои ҷанг хонданд
САҲМИ ФИРИСТОДАГОНИ ТОҶИКИСТОН ДАР ҒАЛАБА. Зиёда аз 250 ҳазор нафар ихтиёрӣ ба фронт рафта, барои таъмини Ғалаба ҷонбозиҳо намудаанд