НБО «Тоҷикистон» ба давраи зимистон пурра омода аст
МУРҒОБ, 01.10.2019. /АМИТ «Ховар»/. НБО «Тоҷикистон»-и ноҳияи Мурғоб ба давраи зимистони имсола пурра омодаанд. Ин матлабро масъулини неругоҳ зимни сафари кории Раиси Вилояти Мухтори Кӯҳистони Бадахшон Ёдгор Файзов, ки бо мақсади шиносоӣ бо вазъи омодагии идораву муассисаҳои давлатию ҷамъиятӣ ба фасли зимистон аз ноҳияи Мурғоб дидан намуд, баён доштанд.
Раиси вилоят сафари худро аз мулоқот бо кормандони неругоҳи хурди барқии “Тоҷикистон”, ки ягона манбаи равшанӣ ва гармидиҳии ноҳия ба шумор рафта, соли гузашта баъди навсозии комил ба кор андохта шуд, оғоз кард. Як нафар корманди масъули неругоҳ Холиқ Соҳибназаров ба раиси вилоят иттилоъ дод, ки “корҳои омодагии НБО “Тоҷикистон” барои сипарӣ кардани зимистони тӯлонӣ аз аввали баҳор оғоз шуданд ва боварӣ доранд, ки сокинон мувофиқи имконият бо неруи барқ таъмин хоҳанд гардид”.
Дар гузашта неругоҳи мазкур ҳамагӣ 200 квт-соат неруи барқ тавлид намуда, 1200 хоҷагӣ дар як шабонарӯз аз 3 то 6 соат бо барқ таъмин мегаштанд. Беморони касалхонаи ноҳиявӣ соатҳо дар ҳуҷраи торик ва бистари сард неруи барқро мунтазир мешуданд. Омӯзгорон ба иллати ҳавои сарди синфхона маҷбуран муҳлати дарсҳоро кӯтоҳ ва шогирдонашонро ба хона рухсат мекарданд.
Ба гуфтаи сардори Раёсати ҳифзи муҳити зисти вилоят Мулкамон Назаралиев, “сардии ҳаво ба табиати ин минтақа ҳам осеби ҷуброннопазир расонд. Ягона растание, ки ин ҷо месабзад, ин тезкан (трескен) ҳасту решааш то ба яку ним метр мерасад. Ин растанӣ аз як сӯ агар манбаи асосии хӯроки қутос бошад, аз сӯи дигар замини теппаҳои атрофи маркази ноҳияро аз лағзиш ва шусташавӣ нигоҳ медорад. Ин растаниро сокинон бинобар бебарқӣ чун сӯзишворӣ истифода мекарданд, ки сабаби кам гаштани миқдори он гардид. Ва аз ҳама муҳим ин ки барои дубора барқарор шудани он 30 ё 40 сол бояд интизор шуд”.
Баъди навсозӣ иқтидори НБО “Тоҷикистон” то ба 1 ҳазору 500 квт-соат расонда шуд. Агар оби рӯди Оқсу аз меъёр зиёд ях набандад, неругоҳ имконият дорад бидуни реҷа ба манзили сокинони ноҳия неруи барқ интиқол диҳад.
РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
Дар ноҳияи Мурғоб иқтидори истеҳсоли энергияи офтобӣ зиёд мешавад
Дар Душанбе Созишнома оид ба маблағгузорӣ миёни Тоҷикистон ва Ассотсиатсияи Байналмилалии Рушд ба имзо расид
Раиси Шӯрои директорони ҶДММ «Ғаюр Гурӯҳ» Акбар Асадулло: «Имрӯз вақти дар амал собит кардани ватандӯстии мо расидааст»
Бартарафсозии оқибатҳои даргириҳои марзӣ дар деҳоти Чоркуҳ ва Сурхи Исфара таҳти таваҷҷуҳи хоссаи Пешвои миллат қарор дорад
ҲАМЛАИ ТАҶОВУЗКОРОНАИ ҚИРҒИЗИСТОН. Шералӣ Ризоён бар ин назар аст, ки фарзияи коршиноси қирғиз дар бораи лоиҳаи роҳи оҳани Чин-Қирғизистон-Узбекистон кирои танқид ҳам намекунад
Дар Душанбе ҷаласаи XXV Шӯрои байниҳукуматии ИДМ оид ба иктишоф, истифода ва ҳифзи қаъри замин оғоз ёфт
