Ташхисгарони тиббӣ – судӣ барои талаби 10 000 доллари амрикоӣ ҳамчун пора ба ҷавобгарии ҷиноятӣ кашида шуданд

Октябрь 18, 2019 09:26

ДУШАНБЕ, 18.10.2019. /АМИТ «Ховар»/. Агентии назорати давлатии молиявӣ ва мубориза бо коррупсияи Ҷумҳурии Тоҷикистон ду ташхисгари тиббӣ – судии  шуъбаи байниноҳиявии шаҳри Турсунзода  У.Н. ва Ф.Ҳ. -ро  барои талаби 10000 доллари амрикоӣ ҳамчун пора ба ҷавобгарии ҷиноятӣ кашид.

Тавре аз Агентии мазкур ба АМИТ «Ховар» хабар доданд, вобаста ба ҳолати тамаъҷӯӣ 19 сентябр  шаҳрванд «А» бо ариза ба шуъбаи минтақавии агентӣ дар шаҳру ноҳияҳои водии Ҳисор муроҷиат кардааст. Номбурда  дар аризааш навиштааст, ки «нисбат ба экспертҳои тиббӣ – судӣ   У.Н. ва Ф.Ҳ.  тадбирҳои қонунӣ андешида шаванд. Чунки ин нафарон  аз ӯ барои аз ҷавобгарии ҷиноятӣ озод намудани писари додараш, ки нисбат ба ӯ бо моддаи 139, қисми 4 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардидааст, маблағи 10000 доллари ИМА талаб карда истодаанд».

Дар  асоси муроҷиати шаҳрванд «А»  худи ҳамон рӯз нисбат ба У.Н. ва Ф.Ҳ. бо моддаи 247 қисми 4 (қаллобие, ки ба миқдори махсусан калон содир шудааст) — и Кодекси ҷиноятӣ парвандаи ҷиноятӣ оғоз шуд. Зимни гузарондани чорабиниҳои фаврӣ — тафтишотӣ У.Н. баъди аз шаҳрванд «А» гирифтани 7000 доллар дастгир шудааст.

Октябрь 18, 2019 09:26

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад